دوداق دَیمز
دوداق دیمز شعیرلر آدینان بللیدیر کی بو شعیرلری اوخویاندا ایکی دوداق بیر بیرینه دیمیر
دوداق دیَمزی اوستاد عاشیقلار اؤز سؤز باجاریقلارینی بیلدیرمک اوچون یاراتمیشلار.
بلنچی بیر شعیرلرده دوداقلارین بیر- بیرینه دَیمه‌سی لازیم گلن صامیتلر دن ایشلنمییر.
آشاغیدا آزافلی میکاییلدان، بیر دوداق دیمز جیغالی تجنیسی وآشیق قشم و آشیق علسکردن سئچیلمیش دوداق دیمز و جناس شعیرلری اؤرنک اوچون وئریلیر:
قارالار کئچر (آزافلی)
آیلار ، ایللر ، دقیقه لر ایچینده
یازی چیچک ، قیشی قار آلار، کئچر.
عاشیق قار آلار کئچر
آغلار قارالار کئچر
یئر تیتره دن، داغ آتان
اجل قارالار کئچر.
آلچاقدان، شئیطاندان خئییر ایسته سن
جانیندان شر کئچر، قارالار کئچر.
***
هردن-هردن سالا یادا طالعین
چتین دردی ساتا یادا طالعین
عاشیق یادا طالعین
قهرین یا دا طالعین
چتین داردا یئتیشسین
سالسین یادا طالعین
یا چرخی گردیشین یا دا طالعین
یاندیرار چیراغین قارالار کئچر.
***
آزافلی شیکاری آتاندا یاخشی
آنان دا یاخشیدیر آتان دا یاخشی
عاشیق آتاندا یاخشی
صیاد آت آندا یاخشی
اَیری اَیرینی سسلر
دئیر آتان دا یاخشی.
قضا قدرلره آتان دا یاخشی
قانانلارین قانی قارالار کئچر
ـــــــــــــــــــــــــــــــــــــــــــــ
آشیق قشم
گئدر جاهيل ليغين قوجاليق گلر
گئچن گونلريني سانار چات ها چات
ايستي يه سن سئير ائده سن داغلاري
يايلاقلارين يالقيز قالار چات ها چات
دوستي چاغيراندا گله هرايه
هاني ايستکلي لر گله هرايه
قيرخ سککيز يئتدي نه دير هرايه
قارقي يارسان قانات يانار چات ها چات
لئيسان آيي سئل لر گلر چايلارا
سنگ قالخارآخار گلر چايلارا
قشم آغلار دردي گلر چايلارا
يادگارلي سوزي قالار چات ها چات
ــــــــــــــــــــــــــــــــــــــــــــ
آشیق علی عسکر
گلدی یاز آیلاری،حسرت چکر خاک
دئیر:-نیسان گئله آ یاغا-یاغا
"لعنت شیطانا"ده،شعیر دن ال چک
شیطان سنی سالار آیاق-آیاغا
صییاد دریالاردا آلار جَنگ اله
حسرت چکر:چیسکین گله،چن گله!
عزرائیل سینه نی چئکر چنگله
قصصال قصص ائیلیر آی آغا،آغا
کئچن قنجر گر اِرککدی،گر دیشی
دللک چاغیر،چکدیره جن گر دیشی
قضانین قدَری،چرخین گردیشی
سرسری تز سالار آیاغا،آغا
علسگر دن چئکیلر سن آ یانا
سیرّ ایشینی ناحق سالدین عیانا
چیراغین کی،ایلاهیدن آ یانا
احتیاجین نئدی آ یاغا،یاغا