کهنه_دبلر_کیمی_اونودولموشام
یئنه باخچامیزی سووورور سازاق
یئنه بولودلانیب یاشا دولموشام
منی بیر سطیرلیک تزه‌دن یازاق!
کؤهنه دبلر کیمی اونودولموشام.
ییغیبسان باشینا آی_اولدوزلاری
گئجه، اؤز اوره‌یین چئینه‌ییر، تؤکور
قورخورام، دوغمایا سحر قیزلاری
ظولمتین قوللاری، دان یئرین سؤکور.
خفچیل بیر داریخما بورویور منی
قیز اولوب شعریمین ساچین هؤرورم
یالنیز «سن» گؤرورم، گلیب_گئدنی
بو سنسیزلیییمی سنسیز اؤلورم.
منی دؤیمه یاغیش! بئله‌سی یاغما!
بو گونلر کوچه‌نین زیر دلیسی‌یم
سینه‌مه تاخدیغیم چیچه‌یه باخما!
من، ائله پاییزین سئوگیلیسی‌یم...
#دومان_سفراوغلو
#ادبیات_ائوى
@AdabiyatEvi