پاییزدا خزان وورموش بو چیچکلی قلبیمین ،
آرزولاری خزل اولدو پاییزدا.
طبیعت ده قهَرله نیب آغلادی،
ساچلارینی چکیب یولدو پاییزدا.
چیچک آچیب عطیر کیمی قوخوردوم،
بولبول اولوب بوداقلاردا اوخوردوم،
محبتی اورک لره توخوردوم،
گولوم لاله م بیردن سولدو پاییزدا.
سؤیلدیم آ دونیا نه قالمقالدی،
ریدن رنگه دؤنور بو نئجه حالدی،
کؤیردی قیزاردی سولدو سارالدی،
حسرت اورک لره دولدو پاییزدا.
بلکه قیشین خبری دی بو گلیش،
نیسگیل لرین اثری دی بو گلیش،
بلکه حاقین کسَری دی بو گلیش،
اوناندی هیجرانلار بولدو پاییزدا.
غم لر دومان کیمی کؤنولو بورودو،
اورک بوزه دوندو اسدی کیریدی،
بوران طوفان( قایا )لارا یئریدی،
کؤنلومه مؤحنتی چالدی پاییزدا.
✍ مظاهیر طهماسب ( قایا )