بسم الله الرحمن الرحیم
شعر چاپ نشده (کپی شعر بدون اسم شاعر حلال نیست ) شعری از کربلایی قادر خانبابایی ( شهرستان ملکان )
به مناسبت میلاد امام رضا (ع )
یارب گئنه خرم ائیله دین کل جهانی
کیمدور کی منورالیریب کون و مکانی
به به نئجه شادان الیریب روح و روانی
دردانه زهرادی کی زیبا یارانیبدی
ایراننیلارا سرور و مولا یارانیبدی
بو مظهر الله دی کی جعفر قوجاقیندا
فرزند پیغمبر دی گلیب گول سایاقیندا
بیر طفلیدی وار ذکری مبارک دوداقیندا
یارب دینه سن تازه صنوبردی گلیبدی
زهرا بالاسی زادهء حیدردی گلیبدی
گویلرده بو اولدوز گوجونه نوره دولوبدو
گویا کی گونش موج الیریب طوره دولوبدو
یئر ، گوی حامی شوقیله بوگون شوره دولوبدو
مین حوری زیبا یئره تحسینه گلیبدی
یا اینکه ملک لر بوگون آذینه گلبیدی
گون بیردنه پالچق دی منور حرمینده
مین دٌرگرانمایه سَپیلمیش قدمینده
عزت تاپیب ایران او صفای کرمینده
قلبیم سویونوب نسل پیغمبردی گلیبدی
ایرانه گوزل زینت و زیور دی گلیبدی
هر ایسله مه لی وجه هوالهو اولابیلمز
هر شاه جهان ضامن آهو اولابیلمز
هر بوته گلیب گول کیمی خوشبو اولابیلمز
ایراندا پیغمبردن امانتدی بو مولود
حمد اولسون او درگاهه عنایتدی بو مولود
وار بیر باجی سی قم دا کی زهرایه برابر
گَئتدی بلی ایرانه اونو شوق برادر
قارداش باجی ائتدی گوزل ایرانی منور
کسب شرف ائتدیک ایکی یاقوت و گوهردن
یارب ایکی دنیاده بیزی سالما نظردن
شعر از شاعر اهل بیت عصمت و طهارت علیهم السلام ( قادر خانبابایی ) از شهرستان ملکان
