بایاتی


عزيزيم كيمي گؤزلر
تار چالان كيمي گؤزلر
قاشون كيمي قاش اولماز
گؤزلرين كيمي گؤزلر

بو داغدا مه‌لر گلر
داغلاري انر گلر
نامرده توش اولانين
باشينه نه‌لر گلر؟


بو داغدا اكديم اكين
آلديلر اليمده كين
هيچ كافر هيچ مسلمان
اولماسين منيم تكين

بير قوش گلير آغ داشدان
خبر ويرير قارداشدان
قارداش باجيدان دويسا
باجي دويماز قارداشدان


@sazsoz

هرنین بیر فیکری وار

بیری دردین دئییر آغلار

بیری ده دردین دئیمز آغلار

اغلارام اغلار کیمی دردیم وار داغلار کیمی

خزان اولدوق توکولدوم وئرانا باغلار کیمی

ای گلر باتار گدر – دورنالار قاطار گدر

دونیا بیر پنجردیر – هر گلن باخار گدر

#ائل_بایاتی_‌لاریندان

عاشیق اٶزون بیلدیرر
دئیر سٶزون بیلدیرر
منی آغلادان فلک
آخیر بیر گون گولدورر

بو داغدا مارال گزر
گوللرین سانار گزر
من یارا نئیله‌میشم
یار مندن کنار گزر

عزیزیم دالدا گزر
بولبوللر دالدا گزر
مردلر قاباقدا دورار
نامردلر دادلدا گزر

کهلیک داشدا نه گزَر
قلم قاشدا نه گزَر
سن تک یاری اولانین
عقلی باشدا نه گزَر

داغلاردا مارال گزر
تئللرین دارار گزر
قیامت او گون قوپار
یار، یاردان کنارگزر

آنادیلی کانالیندابیزه قوشولون
🇦 🇷 🇦 🇿
@turkanadili❣

آزافلی میکاییل

ایکی محبتین ایکی سئوگی نین

گیریب آراسینی قاتانا لعنت

آلدانیب شهرته وارا دولته

یاخشینی یامانا ساتانا لعنت

@sazsoz

اولوم اولسون دوزو ترسه یازانا

قورد کیمی قودوروب یولدان آزانا

آلچاغا ساتقینا قویو قازانا

آلدادیب گناها باتانا لعنت

@sazsoz

آزافلی میکائیل بو قدر یئتر

آتالار سوزودور اکدی یین بیتر

شیطاندان یزیددن شمیردن بتر

دوستا تله قوران آتانا لعنت


@sazsoz

وای اوسورونون حالینا کی چوبانی جاناوارینان دوست اولا

وای به حال گله ای که چوبان آن گله با گرگ دوست شود.

ضــــــــــــرب المثللر وبیـــــــــاتیلار

حرف و ه

واجبی بوشلیب،مستحبین دالیسیجا گیدیر!

واردان یوخدان چیخیب.

وارلی گونونده دوستون چوخ اولار.

وای اوسورونون حالینا کی چوبانی جانا وارینان دوست اولا.

وای خبری تیز گلر.

وطنه گلدیم ،ایمانا گلدیم.

وصییتین اولسا،لعنت آلتیندا قالمازسان.

وقتی کی دیدیلر بورک گتیر،باش آپارما.

هارا سینیب،هارا سسله نیر!

هامی سی بیربیزین(بز نوعی پارچه) قیراقی دی.

هاموسی بی ایتین بالاسی دیلار.

های اینان گلن هوی اینان گیدر.

خجران چکمه ین ،وصلین قدرینی بیلمز.

هرکس گیدیر قوش گتیریر،خانعلی بایقوش گتیریر.

هرآشین نخودی دیر.

هرآغاردان قاراولماز.

هرایشین بیر وختی وار.

هرباشدا بیر عقل وار.

هرنه توکدون آشینا اوگلرقاشیقینا.

هرچتین لیگین کناریندا،آسانلیقداوار.

هربلا اینسانین باشینا،بیلمه مزلیگیندن گلر.

هرباهارین بیرخزانی وار.

هربیری بیر اولدوز آلتینا دوشموش.

هرزادین تازاسی ،دوستون کهنه سی.

هرسوزون بیرییری وار.

هر قویونون بیر سویو وار.

هرکس اوز شانسینا قوناق دیر. هرکس اوز شهرینده شهریاردیر.

هرکس هرکس دیر.

هرکسه گولدون باشینا گلر.

هرکسی قینادیم باشیما گلدی.

هرکسین عقلی باشیندا،احمقین کی گوزونده.

هرکیم اوز ایوینین پادشاهی دیر.

هرییرده آش وار اوردا باش وار.

هرییره گیدم خانام وبگم،ایله بورا گلنده ،پدرسگم؟

هامونی بزه ر،اوزولوت گزه ر.

هم آشاغاسینی گورموشم،هم یوخاریسینی.

هم توربادان یییر،هم آخوردان.

هوس دیر،بس دیر.

هله یاتما،پنجعالی قارپوزاگیدیب دی!

هیچ کس اوز آیرانینا تورش دیمز!

هونرین وار،ییرین وار.

هیچ ایو بویوکسوز اولماسین.

هیچ کس اوز عیبینی بیلمز.

هیچ کیم سحری گورمه میش.

هیچ وخت سوباش یوخاری گیدمز.

هشترخان بیزی کیمی نه انه یارا ،نه بویا.

بایاتیلار ( دوبیتی های محلی آذربایجانی)

شمع یانار یاغدا اریر
قار یاغار داغدا اریر
من دوشه ن درده دوشسه
موم اولور داغ دا اریر

...
من بو باغا گلمیشه م
گول درماغا گلمیشه م
ایتیرمیشه م گولومو
آختارماغا گلمیشه م

...
عزیزیم بیر دانا سان
صدف سن دوردانا سان
من اؤلسه م سنه قوربان
سن اؤلمه بیر دانا سان

...
اولدوزلار باتماز آغلار
یاری اویاتماز آغلار
یار یاردان آیری دوشسه
گئجه لر یاتماز آغلار


چیخدیم داغلار باشینا
یازی یازدیم داشینا
گله ن گئده ن اوخوسون
نه لر گلدی باشیما.

@yekanoghlu
یئکن اوغلو کانالینا قوشولون👆

بایاتیلار بخش دوم

گــــوز یاشیمی سیلمدیم

هـیچ بـــیرگونوگولمدیم

دردیــم درده قـــاتیشدی

هــیـچ بـــیـرننن بیلمدیم

دانــــیشدیم مــن دانیشدیم

تــئز یـاریــمــا یــانیشدیم

یـــواشـجــا بیرسوزدئدیم

بــیرلحـظــه ده آتـــیشدیم

خرمانی شیرین گوردوم

قــویـونـو دئرین گوردوم

بـوایـل یــــایــی یاریمنان

تـمامـا ســئـرین گوردوم

آغلارام آغلار کیمی

دردیم وار داغلار کیمی

خزان اولدوم توکولدوم

وئرانا باغلار کیمی

************

دوانلی داغلار گویلوم

نیسکیللی باغلار گویلوم

نه آچیلار ، نه گولر

همیشه آغلار گویلوم،

************

عاشق مینایه دیه ر

زلفون مینایه دیه ر

آی وار بیر گونه دیمه ر

گون وار مین آیه دیه ر

************

عاشق مینایه دیه ر

زلفون مینایه دیه ر

قاشین کیمی قاش اولماز

اوزون مین آیه دیه ر

************

آراز - آراز خان آراز

سلطان آراز خان آراز

چای - بولاغون قوروسون

منیم تکین یان آراز

************

آراز کیمی آخیرام

یاندیریرام یاخیرام

گوزه ل لرده گؤزوم وار

حسرتیله باخیرام

************

آغ آلما قیزیل آلما

بوشقابا دوزول آلما

اصیل آل چرکین اولسون

بد اصیل گوزه ل آلما

************

آغ آلما آللانیب دی

آغاجدان سالانیب دی

خیری اولسون او قیزین

تازا نشانلانیب دی

************

- من عاشیقم اهیم دیلر

گوز یاشیم اهین دیلر

یار ایله کئچن گونر

اولایدی اه ایندیلر

- آراز اوسته بوز اوسته

کباب یانار گوز اوسته

گوی منی اولدورسون

دانیشدیغیم سوز اوسته

- آغ الما قیزل آلما

تاقچایا دوزول آلما

بیلسئدیم یار گوندریب

ساخلاردیم یوز ایل آلما

- آبی دونون آستانا

کهلیک گیریب بوستانا

قور خورام یاغیش یاغا

قارا تئل لر ایسلانا

- یار قاپینی آچیبدی

نیه رنگین قاچیبدی

دور گل، بیزیم باخچایا

گور نه گولر آچیبدی؟

- داغ باشینی ساری گؤردی

گؤز قامشادی تار گؤردی

جفاسینی من چکدیم

صفاسینی اغیار گؤردی

- داغدا دومان یئری وار

قاشدا کمان یئری وار

بیر جوت نار ایتیرمیشم

سنده گمان یئری وار

- الیمده علمیم وار

قیزیلدان قلمیم وار

یاخیندان گوره نمیرم

اوزاقدن سلامیم وار

- باشیمدا کلاهیم وار

سنین تک پناهیم وار

گوزگوردی ،گویول سئودی

منیم نه گناهیم وار؟

- سؤزی سؤزدن آلان وار

زولفون اوزه سالان وار

گئدیرسن تئز قاییت گل

گؤزی یولدا قالان وار

- حیط لری گولبسر

ایچینده گوللر اسر

من سنی چوخ ایستیرم

سن منی بیر مختصر

- داغلار باشی قویون دیر

آی قیز بو نه اویون دیر

سنه موشتولوق وئریم

آچیلان آی تویون دیر

- دردیوی دئ بیله نه

ایش باشینا گلنه

سیریوی دئمه کونلوم

هر اورویوه گوله نه

- اوزه رلیک سن هواسان

هر بیر درده دواسان

درد قاپیدان گلنده

سن باجادان قوواسان

شمع یانار یاغدا اریر
قار یاغار داغدا اریر
من دوشه ن درده دوشسه
موم اولور داغدا اریر
...
من بو باغا گلمیشه م
گول درماغا گلمیشه م
ایتیرمیشه م گولومو
آختارماغا گلمیشه م
...
عزیزیم بیر دانا سان
صدف سن دوردانا سان
من اؤلسه م سنه قوربان
سن اؤلمه بیر دانا سان
...
اولدوزلار باتماز آغلار
یاری اویاتماز آغلار
یار یاردان آیری دوشسه
گئجه لر یاتماز آغلار
...
چیخدیم داغلار باشینا
یازی یازدیم داشینا
گله ن گئده ن اوخوسون
نه لر گلدی باشیما

عزیزیم ، گول الللر،
اغ بیلکلر ،گول الللر،
دریاجا عقلین اولسا ،
یوخسول اولسان گولللر.

***

آپاردی چایلار منی ،
هفته لر ، ایلار منی ،
یوکوم قورقوشوم یوکی،
یوردو بو تایلار منی.

***

عزیزیم، بادا گئتدی

یئل ووردو بادا گئتدی

دوشمن بیر ایش ایشله دی

گنج عؤمروم بادا گئتدی

***

گؤیلر بولودلو قالدی

قوشلار اومودلی قالدی

آچاری یار بوینوندا

گؤنلوم کیلیدلی قالدی

***

آتیمیزی قوشالیم

داغی-داشی آشالیم

سن یاغیش اول، من بولوت

یاغارکن قووشالیم

***

فلكین ایشی دوشسون

آغزیندان دیشی دوشسون

اونوندا منیم كیمی

نامرده ایشی دوشسون

***

فلكین قهری منه

گلمیری رحمی منه

دولدورور غم باده سین

ایچیردیر زهری منه

***

فلكین داد الیندن

اولمادیم شاد الیندن

یاپیشایدیم یاخاندان

چكییدیم داد الیندن

***

فلگین داد الیندن

اولمادیم شاد الیندن

یامان یئرده ییخیلدیم

توتمادی یاد الیمدن

***

عزیزیم وطن یاخشی

کوینگی کتان یاخشی

غربت یئرجنت اولسا

ینه ده وطن یاخشی

***

قاشلارین قیبله گاهدی،
قیبله دئسم گوناهدی،
داغلارا دومان چوکسه،
اوداغ من چکن آهدی.

***
عاشیق سوزون گیزله در،
سوزون دوزون گیزله در،
سن چمنه چیخاندا ،
لاله اوزون گیزله در.

***
گوزلرین خومار ایندی،
یاش توکر یومار ایندی،
توک زولفون سینن اوسته،
گورن نار اومار ایندی.

***
آچیلارام گول کیمی،
اوخورام بولبول کیمی،
گویولومه دگن اولسا،
ساراللام سونبول کیمی.

باغچا بارین آرزو‌لار,
عاشق یارین آرزو‌لار.
هر نه کیم, دونیادا وار
اوز میقدارین آرزو‌لار.
محببت مئیدانید
منصور دارین آرزو‌لار.
******
جانانوم تک جان آز وار,
آرامیزدا مین راز وار.
آندا ارکو ناز وارسا,
منده اجزو نییاز وار.
حضرت ائت, کؤنول قوشو,
کمینده شاهباز وار.
******
یوزون گؤز رؤوشنی‌دیر,
زولفون جان جؤوشنی‌دیر.
خیالین ایلن کؤنلوم
محببت کؤوشنی‌دیر

******.
باغچا بارین آرزو‌لار,
عاشق یارین آرزو‌لار.
هر نه کیم, دونیادا وار
اوز میقدارین آرزو‌لار.
******
یوزون گؤز رؤوشنی‌دیر,
زولفون جان جؤوشنی‌دیر.
خیالین ایلن کؤنلوم
محببت کؤوشنی‌دیر.
******
یوزون گول خلاصه‌سی,
لبین مول خلاصه‌سی,
عنبرفشان کاکیلین
تر سونبول خلاصه‌سی.

آنان تئل دوزر سنه,
باجین گول بزر سنه.
تانری‌دان عهدیم بودور,
دیمسین نظر سنه.
******
لای-لای چالدیم همیشه,
کاروان ائنر ائنیشه.
یاستیغیندا گول بیتسین,
دؤشیینده بنؤوشه.
******
بویا-بوخونا دول, گز,
بوینوما دولا قول, گز.
جاوان‌لار جرگسینده
سن ده بیر ایگید اول, گز.
******
یاخام‌دان آل ممنی,
توتماسین قال ممنی.
آغلاما, عزیز بالام,
آغزینا سال ممنی.
******
ائلمی سورمه منی,
چک گؤزه سورمه, منی.
اوشاق یاتمیر, آغلاییر,
آغزینا سور ممه نی.
******
نازلاسین دیلیم سنی,
بؤیوتسون ائلیم سنی.
مئیداندا آت اوینا‌دان
بیر ایگید بیلیم سنی

.
اوتورموشام داش اوسته,
پاپاق دورار قاش اوسته.
سن دوشمنی نیشان وئر,
ناللاماغی باش اوسته.
******
گئدر‌سن اوزو قویماز,
دینر‌سن سؤزو قویماز,
کاسیب وار-یوخون وئرسه,
آغانین گؤزو دویماز.
******
اززینم کاساد اولماز,
مرد علی کاساد اولماز.
یوز نامردین چؤریین,
دوغراسان, کاسا دولماز.
******
بو سازی آلان گلمز,
اوخویوب-چالان گلمز.
ایگیدی اولدوره‌لر,
دیلینه یالان گلمز.
******
آختاردین یول بئلهدی,
سور آتین, یول بئلهدی.
دوست‌لار ایلقار‌لی اولسا,
نه گرک یول بلدی.
******
دؤورانین گشتی گئتدی,
اوخ تکی کئچدی گئتدی.
مرد‌لر بیر بولاق قازدی,
نامرد‌لر ایچدی گئتدی

بو یوردون تاجی باغ‌لار,
مئیوه‌سی آجی باغ‌لار.
آغریسا قارداش باشی,
یئنه ده باجی باغ‌لار.
******
داغ باشیندا قار اولار,
باغچا‌لاردا بار اولار
قاینانا پیس اولاندا
درده قالان یار اولار.
******
آیا بئله باخار‌لار,
گونه بئله باخار‌لار.
آرخاسی اولمایانین
ائوین بئله ییخار‌لار.
******
درد الین‌دن داغ یانار,
باغچا یانار, باغ یانار.
قارداش گیرسه قاپیم‌دان,
ائویمده چیراق یانار.
******
گمیم گلر یان گئدر,
ایچینده بیر جان گئدر.
قارداش گلن یول‌لارا
باجی‌لار قوربان گئدر.
******
سنه تئل‌لی دئییر‌لر,
علی بئل‌لی دئییر‌لر.
بورا بیر ایگید گلیب,
بیزیم ائللی دئییر‌لر.

******
عزیزییم دادی وار,
یارین شیرین دادی وار.
یوز ایگید سیرا‌سیندا
قارداشیمین آدی وار.
******
داغ دؤشونده دامیم وار,
باغیمدا بادامیم وار.
گل قاپی‌دان گیر, قارداش,
دئسین‌لر آدامیم وار.
******
قوربان سنه گؤزوم, یار,
واردی سنه سؤزوم, یار.
بور‌دان بیر قونشو کئچدی,
سرکرده‌سی بیزیم یار.
******
عزیزیم قارا باغ‌لار,
آل اوستن قارا باغ‌لار.
یارامی یار باغلاسین,
یار یاخشی یارا باغ‌لار.
******

جئیران, چؤله دولان گل,
سونام, گؤله دولان گل.
یاد اولکده دؤزمه‌سن,
بیزیم ائله دولان گل.
******
قارداش گل, آی قارداش, گل,
قار‌لی داغ‌لاری آش, گل.
قوربت ائلدیر, کیمسم یوخ,
تؤکور گؤزوم قان-یاش, گل!
******
آغری‌دیر یارا منی,
طبیب یوخ یارا منی.
بوردا بیر کیم‌سنم یوخ,
یئتیرین یارا منی.
******
توتمادی داغ‌لار منی,
بولبوللو باغ‌لار منی.
قریبم, بیر کسیم یوخ,
تکجه یار آغلار منی.
******
بو یئر‌لر تالا یئری,
بورج یئری, قالا یئری.
قییامت او گون قوپار,
ائل کؤچه, قالا یئری.
******
عاشق, قارا یاخشیدی,
گئی‌سن قارا یاخشیدی.
قوربتده دولانماق‌دان,
گئت‌سن گورا, یاخشیدی

عزیزیم کتان یاخشی,
گئیمیه کتان یاخشی.
قوربت یئر جننت اولسا,
یئنه ده وطن یاخشی.
******
بو یول‌دان اوتن یاخشی,
گئیمیه کتان یاخشی.
گزمیه قوربت اولکه,
اولمیه وطن یاخشی.
******
سو گلر آرخا, هارای!
تؤکولمز چارخا, هارای!
ایگید قوربته دوشسه,
چاغیرار آرخا, هارای!
******
دردیم ائله جار هارای!
قارا گونوم وار, هارای!
یاد اوبا, قریب اولکه,
کؤنول ایستر یار, هارای!
******
سوراغین قارغا‌دان آل,
هاییفین دارغا‌دان آل.
قوربتده یار خبرین
بیر آتی یورغا‌دان آل.
******
بئله دیمی قوربت ائل,
ایگید اوغول, قوربت ائل.
آدامی تئز قوجال‌دیر
قریب اولکه, قوربت ائل.

ککلیییم, فرم سنسیز,
دوشوبدور پرن سنسیز.
یاد ائلده, یاد اولکده,
اینان, گولمرم سنسیز.
******
بو ائلین آدی ندی?
دوستو نه, یادی ندی?
قوربت ائلده بیلمه‌دیم,
آغزیمین دادی ندی?
******
پاییز قیش‌دان عزلدی,
یارپاق تؤکن خزلدی.
وطن ویران دا اولسا,
او, جننت‌دن گؤزلدی.
******
آرازا گمی گلدی,
من دئدیم, هامی گلدی.
سن آغلا, آی گؤز‌لریم,
آیریلیق دمی گلدی.
******
گمی گلدی, یان گلدی,
ایچینده بیر جان گلدی.
وطن حسرتی چکدیم,
گؤز‌لریمه قان گلدی.
******
قوی گئدیم یوردا منی,
تاپشیرما قوردا منی,
گؤزو یولدا قالان وار,
اولدورمه بوردا منی

آلماز اوزوک, دار بارماق,
مورادیم سنی آلماق.
هر ایگید کاری دئییل
یار‌دان یادیگار آلماق.
******
قارشیدا داغی موشتاق,
سینمده داغیمیش, داغ.
بیزه موشتاق اولانا
بیز اوندان داغی موشتاق.
******
عزیزیم دردی منده,
درمانین دردی منده.
نامرد آغاسی اولمام,
قول اوللام دردیمنده.
******
گؤرونور گؤزه تکله,
بو درده دؤزه تکله.
نامردین رحمی اولماز,
یوز یالوار, یوز اتکله.
******
اززییم او لنگینه,
ایگیدین او لنگینه,
خاین دوست, قاری دوشمن,
گؤز دیکر اولن گونه.

باخدیم شیرین دیل‌لره,
دوشدوم قورو چؤل‌لره.
آختاردیم قوحوم-قارداش,
حسرت قالدیم ائللره.
******
گؤی بولود, شیروان آیاز,
یاز منی, شیروانا یاز.
گونون یاد ائلده کئچسه,
دردینی شیروانا یاز.
******
عزیزییم دیلن, گز,
باغدا گوله دیلن, گز.
قوربتده خان اولونجا,
وته‌نیند دیلن, گز.
******
بو یولو گئدن گلمز,
بیلمیرم ندن گلمز.
قیریلیب قاتارین‌دان,
چیخیب جرگه‌دن, گلمز.
******
یول وئرمه یادا, تبریز,
ائل گئدر بادا, تبریز.
سنین حسرتیندیم,
جان سنه فدا, تبریز.
******
عزیزیم سنی, تبریز,
ائل سئور سنی, تبریز.
آل قوینونا عزیزله,
آنا تک منی, تبریز

گؤیده دولانان بولود,
رنگی سارالان بولود.
من ائلدن آرالاندیم,
سن ده آرالان, بولود.
******
قریبم بو وطنده,
گؤزوم یول‌دان اوتنده.
قریبلیک یامان اولور,
باش یاستیغا یئتنده.
******
قریب عومرو بیتنده,
قالار اوزگه وطنده.
سن یادیما دوشور‌سن,
باغدا بولبول اوتنده.
******
من گئدیرهم او یوزه,
قاییقدا اوزه-اوزه.
آی قوش‌لار, سیز شاد اولون,
مئشه‌لر قالیر سیزه.
******
سؤز قالدی ائل گلنه,
چیرماندی سئل گلنه.
گؤزل بیر باغ سالمیشام,
ائل گله کؤلگلنه.

گول اکدیم گول مکاندا,
یئرین بیل, گول, مکاندا.
سن گولدون, من ده گولدوم,
من هاندا, گولمک هاندا?!
******
من عاشق گول آلاندا,
گول بیتر گولالاندا
یاریم یادیما دوشر
علیمه گول آلاندا.
******
قازاغین بوجاغیندا,
اود یانار اوجاغیندا.
عاشق نئجه جان وئرسین
یاد‌لارین قوجاغیندا?
******
دومان داغ آرا‌سیندا,
شامما تاغ آرا‌سیندا.
شام کیمی شؤله چکدیم,
یاندیم یاغ آرا‌سیندا.
******
عزیزیم یانار اودا,
پروانه یانار اودا.
دردیمی کیم ائشیتسه,
حالیما یانار او دا.

لای-لای دئدیم یاتینجا,
گؤز‌لرم آی باتینجا.
جانیم ذینحارا گلدی
سن حاسیله چاتینجا.
******
لای-لای دئدیم بویونجا,
باش یاستیغا قویونجا.
پارداخلان, قیزیلگولوم,
بیر اییلییم دویونجا.
******
بیر گول اکدیم بویونجا,
اییلمدی دویونجا.
عومروم, گونوم ئوزانسین
بو بالامین تویونجا.
******
بالام یاتیر بئشیکده,
بولبول اوخور ائشیکده.
سن یات یوخون آلگیلن,
من دورموشام کئشیکده.
******
ائوینده, ائشییینده,
یات قوزوم, بئشییینده.
دان ئولدوزو, بیر ده من
دورموشوق کئشییینده.
******

عزیزیم آشا آشا

سو گلیر داشا داشا

بیر جانم وار ثروتیم

اودا قربان داداشا

داغدا پائیز اولاندا

ساری سنبل سولاندا

یارا ائلچی گوندررم

اون بئش یاشی دولاندا

گؤزوم قالدی او قاشدا

او کیرپیکده او قاشدا

مجنون تک دلی گؤیلوم

گزیری داغدا داشدا

بيرينده اولسا آزار

آخيري بير گون ، آزار

هر كس دوشونسه بيلر

ايستي قالماز بو ، بازار

باخمارام گوله سنسيز

باشقا خوشوگوله ، سنسيز

چيچك سني گوزه له يير

ايسته مير گوله ، سنسيز

من عاشقام باهاردا

چيچيك گولر ، باهاردا

هاممي نين ياري گلدي

منيم ياريم به ، هاردا

كيشي گره ك قازانا

روزي سالا ، قازانا

دريني قسمت اولار

درين ، قويو ، قازانا

يالواردم گئجه يارا

آز،وور قلبيمه،يارا

كاش اوزومه،گوله سن

باشيمي يارا ، يارا

سو قایدماز بولاقا

بونو تاپشیر قولاقا!!

چوخ آقالار قول اولوب

اولوب چوخلو قول ، آقا

قلبیمده کی آرزیلار

تکجه سنی ، آرزیلار

سن منی ترک ائیله سن

دای پرگاریم ، پوزولار

چوبان سئوه ر ، سوروسون

داغا داشا ، سوروسون

آلار اؤز قوجاقینا

قوزولارین ، جوروسون

آق پاپا قدیر قارا داغ

قوجاق آچیپ قارا ، داغ

لاله نین باغریندا دا

من تک واردیر قارا ، داغ

بیر قوشون بیر قانادی

بیر اوخ دَیدی ، قاندای

اوره گیمدن قان آخار

هاردا گلسه ، قان ، آدی

شمع یانار یاغدا اریر

قار یاغار داغدا اریر

من دوشه ن درده دوشسه

موم اولور داغدا اریر

من بو باغا گلمیشه م

گول درماغا گلمیشه م

ایتیرمیشه م گولومو

آختارماغا گلمیشه م

عزیزیم بیر دانا سان

صدف سن دوردانا سان

من اؤلسه م سنه قوربان

سن اؤلمه بیر دانا سان

اولدوزلار باتماز آغلار

یاری اویاتماز آغلار

یار یاردان آیری دوشسه

گئجه لر یاتماز آغلار

آنالار ديلينده شيرين باباتيلار

یئل ووردو بادا گئتدی

دوشمن بیر ایش ایشله دی

گنج عؤمروم بادا گئتدی

گؤیلر بولودلو قالدی

قوشلار اومودلی قالدی

آچاری یار بوینوندا

گؤنلوم کیلیدلی قالدی

آتیمیزی قوشالیم

داغی-داشی آشالیم

سن یاغیش اول، من بولوت

یاغارکن قووشالیم

فلكين ايشي دوشسون

آغزيندان ديشي دوشسون

اونوندا منيم كيمي

نامرده ايشي دوشسون

فلكين قهري منه

گلميري رحمي منه

دولدورور غم باده سين

ايچيردير زهري منه

فلكين داد اليندن

اولماديم شاد اليندن

ياپيشايديم ياخاندان

چكييديم داد اليندن

بير نئچه باللي باياتي

باياتيلار

عزيزيم يوردو چايلار باليقين يوردو چايلار

بير آه چكديم اورگده ن داياندي دوردو داغلار

عزيزينم داد اولماز كال آلمادا داد اولماز

آتاسيني اينجيده ن عومرو بويو شاد اولماز

قاينار سويون بوخاري سودان قالخار يوخاري

بوتون ديللرده گزه ر ايگيدلرين چخاري

يازان:آيدين

عزيزيم گيله بيلمز

گوز آغلار گيله بيلمز

سنين گوزون آغلاسا

گوزلريم گوله بيلمز

عزيزيم داد اولماز

كال آلمادا داد اولماز

آتاسيني اينجيده ن

عممور بويي شاد اولماز

قار قالانار قار اوسته

زيرولي داغلار اوسته

يار جانين الده ن وئرر

ايستديگي يار اوسته

اوجا داغين قالاسي

جيرانلارين بالاسي

بيلميرم نيه بيتمير

اورگيمين ياراسي

عزيزييم دوز اولما

شكر اولما دوز اولما

امود ياشايش دوزي

چاليش امودسوز اولما

دئديم بلكه قاتار سان

هارا دئسم چاتارسان

نه بيليديم كي بير گون

سنده مني آتارسان

داغلارين دوزي قالماز

ايريسي دوزي قالماز

گون اولار آدام كوچر

دونيادا ايزي قالماز

قاينار سويون بوخاري

سودان قالخار يوخار

بوتون ديلرده گزر

ايگيد لرين چيخاري

🔱گـــجه گوندوز آغلارام🌟

💙سئللرکیمین چاغلارام🌟

🔱آه چــــــــکرم اورکدن🌟

💙یـــئری گویی داغلارام🌟


#گئجز_خیر

🇦🇿 @turkimahni 🇦🇿

یکان کهریزده رایج اولان بایاتی لار(7)

قیزیل گولی دره رلر

مخمل اوسته سره رلر

خوش اوقیزین حالینا

سئوگیسینه وئره رلر

دورماقاپی دالیندا

گؤزوم قالدی خالیندا

گئدیم دئییم آناما

گلیم قالیم یانیندا

دامنان داما دامیمیز

قوشادیر ایوانیمیز

سن اوردان باخ من بوردان

کؤراولسون دوشمانیمیز

باياتيلار

باشيمدا كلاهيم وار

سنين تك پناهيم وار

گوزگوردي ،گويول سئودي

منيم نه گناهيم وار؟

سؤزي سؤزدن آلان وار

زولفون اوزه سالان وار

گئديرسن تئز قاييت گل

گؤزي يولدا قالان وار

حيط لري گولبسر

ايچينده گوللر اسر

من سني چوخ ايستيرم

سن مني بير مختصر

داغلار باشي قويون دير

آي قيز بو نه اويون دير

سنه موشتولوق وئريم

آچيلان آي تويون دير

درديوي دئ بيله نه

ايش باشينا گلنه

سيريوي دئمه كونلوم

هر اورويوه گوله نه

آلما آلديم نار گلدي

كؤينك بيچديم دار گلدي

كؤلگه دوشدو ائيوانا

دئديم ياغين يار گلدي

اوتاي بوتاي بيزيمدي

عقيق دوزوم دوزوم دي

عميم قيزي اولماسا

داييم قيزي بيزيم دي

قويونو يايديم جه يه نه

سوتونو ساغديم له يه نه

بير ساچيمي دؤرد ائله ديم

بلكه قيزلار بيه نه

انديم گلديم جاجيخدان

يول سالديم يونجاليخدان

ديليم آغزيم يانايدي

بير سؤز دئديم آجيخدان

اوجا داغلار

دردیم واردیر بیر انبار ,

کیمه دئییم , کیم آنلار ؟

گئدین آناما  دئیین

بیر تک او جاندان آغلار. 

اسماعیل علیقلیپور

آتا سوزلری  -  

آتـــالار ســؤزی آغــاجــی ایـچینـدن قــورد یئیـــر...

• آتـــالار ســؤزی
•  
• آغــاجــی ایـچینـدن قــورد یئیـــر
•  
• ترجمه: «کرم درخت را از درون می‌خورد».( کرم از خود درخت است)

آتالار سؤزی

http://www.cloob.com/cdf/_ata_sozlari_

منبع : یاغموردان سونرا

گوللو گولوستان اوستونه

شئح دوشوب بوستان اوستونه

گئدین دئیین او تولکویه

گلمه سین آسلان اوستونه

گئجه لر آی گئجه لر

آی دوغار آی گئجه لر

سنی گؤرن گوزلریم

نه یاتار نه دینجه لر

موغانین گؤی چیمه نی

گزمه گه گؤی چیمه نی

یا گزه رم تاپارام

یا وورار اوچو منی

سئوگی سئون مرد اولار

سئوگی سئومک درد اولار

سورئیدیم سئوگی قوشون

گؤرئیدیم نه رنگ اولار

قیزیل گول دن - دن اولدو

درمه دیم دن - دن اولدو

من سندن آیریلمازدیم

آیریلیق سندن اولدو

میخنگ اکدیم له ین ده

میخنگ باشین اه ین ده

نئچه قوربان دئمیشم

الیم یارا ده یه نده

شاهسون ائلين باياتي­لارين­دان

میخک اکدیم گؤردولر
گولله‌ممه‌میش دردیلر
خوش او قیزین حالینا
سئودی‌یینه وئردیلر

میخک اکدیم قاشینا
یار توتدوم هاواسینا
یاری منده‌ن ایله‌ین (منی یاردان ایله‌ین)
ایلی دونسون یاسینا

میخک اکدیم باییرا
یئل وورا تئل آییرا
ایککی گؤیول بیر اولسا
خودا نئجه آییرا

میخک اکدیم باییرا
قوش قاناتین آییرا
ایککی گؤیول بیر اولسا
خودا نئجه آییرا

آغ آت بیچنده گزه‌ر
بیخاو قیچیندا گزه‌ر
من قوربان او قارداشا
خانلار ایچینده گزه‌ر

💞آل کمری بئل باغلا

💞ساچلارینی تئل باغلا

💞نه یادا سیرّینی وئر

💞نه نامرده بئل باغلا

مردین آیاغینا تیکان باتینجا

نامردین گوزینه باتا یاخشی دی !

اولاد مینتینه قالسا گر

آتا توپراقلار  آلتیندار یاتا یاخشی دی !

هئچ بویوک کیچیگه سر سوزون آتماز

وطن بیلن اینسان وطن نن قاشماز

سوز دوشونن بشر قاینایب داشماز

اینسان دور مراما چاتا یاخشی دی !

حقیقتی بیلن اوزونو اوتمز

ائللرین اینانان اوزونو سومز

اشیلییپ چالیشان  دیزینه دویمز

غیرتلی باشینی قاتا یاخشی دی !

امیر همیشه ائلیندن دولان

سن نن یاخشیلیق دیر دونیادا قالان

آلاهی تانیان دانیشماز یالان

یالانچی آزار تو یاخشی دی !

     bayatilar