یول کسنه یولاردا توش اولاسان

نکی سفیه لن یولداش اولاسان

ختدگوندا دوتوب یره چالا لار
سیبلوی سقالوی یولالار
وراورا هرزادوی الالار
بیر تومان بیر کونک یولا سالالار
حالیوا اغلیا کوهنه قالالار
دیندرنده بولوت کیمی دولاسان
نکی سفیه لن یولداش اولاسان

دکلدن آسالار گوت باش اولاسان
کولگو ندان شبیه خوفاش اولاسان
بیر ستیل سو توکلر یاش اولاسن
سویخ ورا دوناسان داش اولاسان
گوردلار اشپز اولا سن آش اولاسان
چکیب داقیدالار قاش قاش اولاسان
نکی سفیه لن یول داش اولا سان

آرواد دوغا حسرت قالاسان شاما
قوجاقیوه وره دورد اوشا ق ماما
سو بوز اولا سان گیدنده حاماما
یاقیش یاقا قوناق گله دام داما
قاپیوی داشلییا جیننی شاماما

آی مشدی دیدیلمیش باش اولاسان
نکی سفیله یول داش اولاسان
موغ موغا لار چالا دامدا شیشه سن
هی کلوه (سر) گوپسیه سن دشه سن
آرواد ایتلیه (هل دادن) دامدان دوشه سن
اسوالت کارین قازا نینره پیشه سن
قووورقا تک آتیلا سان دوشه سن
قاریشا سان قیرا قیر پاش اولاسان
نکی سفیه لن یول داش اولا سان

چیکون برگشت ییه حالیوی دوتا
جنسون نقد اولمیا نیسون باتا
تلبکار صف چکوب قاپوندا یاتا
بیریاندا دارای باشیوی قاتا
نورالهی سنه بیر کتاب ساتا
اوخویاندا سارالا سان سولاسان
نکی سفیله یول داش اولاسان

تولکو ایله خوروز

تولکوبیرگون دره دن صبح ایدی دیرماشدی داغا
دوردو بیردقت ایله لن باخدی سولا باخدی ساغا
گوردو بیر یاغلی خوروز کتده چیخیبدیر قالاغا

آغزی بورنون یالیییب قویروغونو بیربولادی
داشین اوستونده دوروب قوردکیمی حیوان اولادی

ناخوش انسان نئجه آرمودیئتیشینجه داریخار
ایستیده تشنه نئجه باشینی کهریزه سوخار
یئریک آروادنئجه تورش آلچایا حسرتله باخار

باخدی باخدی دئدی منله ن بیلیره م کینه سی وار
قالاق اوسته ن سالابیلسه م یئمه لی سینه سی وار

قولاق آسدی گوره هئچ چولده اوشاق زادآتیلیر
گینه اول کی کیمی کتده داوارمال قاتیلیر ...

یالان دانیشمانیخ بیز مسلمانیخ

دئمه او باره دن اورگیم قاندی

1)

الله یارادانلار هامی(همه) انساندی

یول اوسته رهنما، بیزه قراندی

دئییر کاذب آدام حزب شیطاندی

جاده دن چاشماریخ بیز مسلمانیخ

یالان دانیشمانیخ بیز مسلمانیخ

2)

نه حوقا(کلک) بیللیخ نه کذب و کلک

پاک و مطهریخ امامزاده تک

روح میز گویلرده اولاجاخ مَلک

بیزه خاطیر گذیر بو چرخ و فلک

چوخ سیرری(اسرار) آشماروخ بیز مسلمانیخ

یالان دانیشمانیخ بیز مسلمانیخ

3)

نه بیرینین مالین باسمالیوب یِئیروخ

نه باشماغین اوغورلیوب گئییروخ

اوغورو قاچار مال صاحابین دوئیَر

حلال چورک یئرینه سفک دیئر

ایواننان آشماریخ بیز مسلمانیخ

یالان دانیشمانیخ بیز مسلمانیخ

4)

نه یالاننان خلقه زیرنا چالاریخ

نه اوز توپوردوغوموزی یالاریخ

نه آلتی یوز(ششصد)میلیون حقوق آلاریخ

آجا وِرروخ اوزموزو آج قالاروخ

اوزگیه (غريبه)قاریشماریخ بیز مسلمانیخ

یالان دانیشمانیخ بیز مسلمانیخ

5)

شیطان آندیمیزا گاهدان اَلکِچَر

بیراَزده (یک کمی) سوویننیخ اولماریخ پَکَر

عقلیمیزی نفسه ورمَریخ نوکر

بال (عسل) یرینه خلقه باسماروخ شکر

ایلان تک ساشماریخ بیز مسلمانیخ

یالان دانیشمانیخ بیز مسلمانیخ

6)

قولوندا ساعتی وار ائیکه(نر) یا دیشی(ماده)

نه طلاق ورروخ نه طلاق کشی

چکیب دادگاها سالماریخ ایشی

غیرتده همتده کیشیوخ کیشی

عرصه دن قارشماریخ بیز مسلمانیخ

یالان دانیشمانیخ بیز مسلمانیخ

7)

دئییر عمل ندی پاک اولسون اورَک

دنیا بیزیمکیدی قوی کِفین(حالشو)سورَک

باهالیغ هاردادی کیشی قوی گورَک

هله کی اَللی مین(پانصدهزار) اولوب بیر چورک

ذره قاماشماروخ بیز مسلمانیخ

یالان دانیشمانیخ بیز مسلمانیخ

8)

حلالی حراما قاتیب توکمَریخ

فاضلاب سویونان سبزی اَکمَروخ

ملتین باشینا پاپاخ تیکمریخ

ماشیندا جبیننن پولون چِکمریخ

گوتوروب قاشماریخ بیز مسلمانیخ

یالان دانیشمانیخ بیز مسلمانیخ

9)

کیشیلَر اوتوروب آرواد ایشتیر

ایتشه مییَن دیل دوداغین دیشتییر

نیبیگینه اوزگه خروس کیشنییئر

بودا آلیر یارانه نی خَشلیئیر

غربه اَل آشماروخ بیز مسلمانیخ

یالان دانیشمانیخ بیز مسلمانیخ

10)

آختاراسان گون چیخانان گون باتان

نه معتاد تاپیلیر نه مواد ساتان

نه تزريق اِلی یَن مریض؛ نه قرص آتان

نه کورپو آلتیندا گئجه لر یاتان

گَرده بلاشماریخ بیز مسلمانیخ

یالان دانیشمانیخ بیز مسلمانیخ

11)

نیه باش یوخاری آخدی بو سولار

نیه اوزلرین چیخدیلار بولار

نشخوار یئرنه آرپا ورسن قودورار

گاه آغزینان قاپار ؛ گاه تپیک ویرار

دولاندا داشماریخ بیز مسلمانیخ

یالان دانیشمانیخ بیز مسلمانیخ

12)

(نوراللهی) اولا شعرین مسباغی

مین بیتی ورمیلَر بیر کیلو یاغی

چوخ شاعر دیرماشدی آشا بو داغی

قافیه دار گلدی آچیلدی آغی

داغا دیرماشیروخ بیز مسلمانیخ

یالان دانیشمانیخ بیز مسلمانیخ

استخراج شده از ودیو های پخش شده در دنیای مجازی

شاعر :(سلیمان نوراللهی)

تولکو ایله خوروز


تولکوبیرگون دره دن صبح ایدی دیرماشدی داغا
دوردوبیردقت ایله ن باخدی سولاباخدی ساغا
گوردوبیریاغلی خوروزکتده چیخیبدیرقالاغا

آغزی بورنون یالیییب قویروغونوبیربولادی
داشین اوستونده دوروب قوردکیمی حیوان اولادی

ناخوش انسان نئجه آرمودیئتیشینجه داریخار
ایستیده تشنه نئجه باشینی کهریزه سوخار
یئریک آروادنئجه تورش آلچایاحسرتله باخار

باخدی باخدی دئدی منله ن بیلیره م کینه سی وار
قالاق اوسته ن سالابیلسه م یئمه لی سینه سی وار

قولاق آسدی گوره هئچ چولده اوشاق زادآتیلیر
گینه اول کی کیمی کتده داوارمال قاتیلیر
گوردوبیر(قووو)دئییسه ن باشداقولاقلاردوتولور

نه گلن وار،نه گئدن وار،نه کوپک وار،نه پیشیک
نه چوبان وار،نه ناخیرچی،نه ده نوکر،نه کئشیک

یکسره شهره کوچوب کتدی لر آغدان قره یه
کیم قالیب ال چوره گیله ن بالی قاتسین کره یه
چورودوب آیرانینی آق شوروباسسین دری یه

نه قالیب خان اوجالاشهرتی افلاکه چاتا
نه قالیب به ی چیخادامدان گلینه آلماآتا

نه سووارمزرعه لرده نه گلیرجوتچوسسی
بیراخیب چای-چیمنی بیریاناقاچمیش هره سی
اویئکه ائولراولوب:قوردیئری،بایقوش قفسی

بیرکوپک دامداکئشیکدی ائله پیس حالدایاتیب
ائله بیل تزریقی معتادهئروئین قرصی آتیب

الغرض!کنده گلیب تولکو،اواوستاد کلک
حاجی فیلانی کیمی حوققابازوحیله ده تک
ظاهری خوش ولی باطن ده کوپک اوغلوکوپک

بیراوزون تسبح ایله ن چولده دوروب ذکراوخویار
ائوده بافنده دی شیطان باشینابورک توخویار

دوردوباخدی خوروزاتوکدواوزه گوزیاشینی
چکیلیب دال-دالابیردیوارا ویردی باشینی
دئدی قارداشدابوجوریاده سالارقارداشینی

گل آشاقاسنه قوربان قولووی بوینوماسال
گریئرون اولماسامنله ن گئده گین باغچاداقال

ایندی هرنه دئییرم سوزلریمه دوزقولاق آس
دوشمه تشویشه اوغول ائیله مه چوخ خوف وهراس
من سنی ایستییره م سنده منی باغروواباس

تزه بایرام یئتیشیب بیر-بیره ائل لرقاریشیر
سنی یالقوزگوروره م من،بئله قلبیم آلیشیر

الووی وئرالیمه اولکه نیزین داشین آتاق
بلکه تهرانداگئدیب درهم ودیناره چاتاق
بوشلابوچاله سری بیزده گئدیب وان دایاتاق

اوردالی شلواری گئی زاد-مادی سیخ منگنده
باشووی آلمانی ویرسققلی ساخلاچنه ده

تهراناگئتدی چوخوباغلادی همت کمری
(گول قیزین)داغداآجیندان بیخیلیب اولدو،اری
گورنه آزاددولانیرایندی قیزی(ماه پری)

رنگی باش،مصنوعی قاش،سورمه لی گوز عینکی دی
یانچاغی مانتوون آلتداائله بیل کی سکیدی

گله لعنت،گتیریب مملکته مدسالانا
اورکنه گئن تومانی،چادرانی وئردیک پالانا
قورخ هله دایچاکیمی قیزگله چیلپاق دولانا

اوندان اولادعمله گلسه هروئین سازاولور
الکلی،بنگی ویادامدادوروب قوشبازاولور

سنه دشمن دگیلم ائیله مه بوفکرخامی
قاریشیب بیربیره ملت،باجی قارداشدی هامی
من حرام مئیل ائلمه کدن دالاچکدیم یاخامی

نه دی دونیاساتام ایمانیمی بیرپونزااته
من گرک فکرائلئیه ام ایندی داداش آخرته

بیرگونی دال دره ده عربه ده چکدیم دئییره م
بیردن اون دورد تویوقون قانینی توکدوم دئییره م
ایشچینین ائیمه سینین قارنینی سوکدوم دئییره م

قوردکیمی داغدادوروب حمله ائدیردیم داوارا
چئینه دیم جوت قئییشین،جوتچونوقویدوم آوارا

هریئره کی یئتیشیب ظلم ده طغیان ائله دیم
ائله وقت اولدوکی من گونده اوتوز قان ائله دیم
باجالاردان سوخولوب نینلری ویران ائله دیم

قلبیمه دغدغه وئردی ائله شیطان رجیم
آناجی توتدوم آپاردیم جوجه لرقالدی یتیم

آمماایندی ائلیییب قددیمی دوردقات قوجالیق
قوهوموقارداشی مندن ائلیییب یادقوجالیق
ائیلئیرمیش کیشینی دهرده آروادقوجالیق

ذره بین عینکیله ن قارغانی میلچک گوروره م
گئجه نی صبحه کیمی دیک دایانیب اوسگوروره ن

قوجالیق کی یئتیشیر قدرتی انساندان آلیر
سرطان،دیکس کمراللی جوره درده سالیر
قلبووه گلمسه گرعقلیده باشداآزالیر

ایکی رکعت دی نامازداقاریخیراوزاوزونه
ایسته ییرسجدیه گئتسین دالی باخمیرسوزونه

سن اوزونده گئجه هئی صبحه کیمی بانلییسان
بیلیره م نیتیوی بی نامازی دانلییسان
ایندی ملت چوخومعتاددی بونوآنلییسان

نشئه حالینداجوان پیک نیکین اوستونده قالیر
سیمی سنجاقه چکنده نفسی دالدان آلیر

بیریئکه داشدی سالیب معتاداوزی اوزباشینا
قاریشیب آب دهانی چنه ده گوز یاشینا
ائوده آروادجلب اولسا ییغاراوزاویناشینا

خالق یئیر،اوزگه ایچر،تندیرین اوزگه قالییار
بوپیشیک تک فقط آشپازخاناداقاب یالییار

تولکویه باخدی خوروزوئردی بونوعیله جواب
دئدی قوی گئت،گئده!ای ابله بدحق وحساب
دنیاداسن نه قانیبسان نه دی عصیان وثواب

سن کیمی کاذب وجاهل گرک اولسون اریسین
دونن آخشام موتالین طووله ده جیردین دریسین

باشووی سیلکه لییب وئرمه منه دردسری
باشی مومن،دیبی کافر،سوزووین یوخ اثری
کیم ائدیب عابدوزاهدسن تک حیله گری

ائششگین دونبالانین لاشخورالینده ن آلیسان
ایکی ساعت دی یالاندان منه زیرناچالیسان

بیزه هریان کی کلکدی داخی سن ویرماکلک
همدمیم گئتدی الیمدن ائویمی ییخدی فلک
بوگئجه آروادیمی قابلامایاقویدوملک

((((خیمه لرین غارتی وامام حسین ین شام غریبان احوالاتی((((

چوللرده باشسیز بی کفن جسم شهیدان دی شام غریباندی
خولی تنورینده حسین کول اوسته مهماندی شام غریباندی
شیعه گرگ قان آغلاسین رخساره اشکین باغلاسون
اوغلو اولن زهرا گلوب حالی پریشاندی شام غریباندی
آتلوپیاده اوز قویوپ ال غارته آشدی

قیزلار چیخوب اخیامیدن چولدن چوله قاشدی
خارمغیلاندی یولو وحشتلی داغ داشدی
بارماغلارین داش پارچالوب یکسرقیزیل قاندی شام غریباندی
فورصت دوشوب غارتگره مخیمده یغمادی
گویده بولوتلارآغلاشوربیرقانلو دریادی
آتلارقاچیرقوشلار اوچور بیرشور غوغادی
کاشانه سین ترک الئیلیوب بولبول نواخداندی شام غریباندی
اللرده قمچی اوخشیور عینآ سیه ماره
قالخوب اننده گوللری توش ائیلیور خاره
آل پیامبردن آلیر خلخال گوشواره
غارتگرین ذرآلماقی فکرائتمه آساندی شام غریباندی
وحشی عرب سوزقانمویان غول بیاباندی
صورتده انساندی ولی سیرتده حیواندی
چون قان توکوب قان قان دئییرگوزلر دولو قاندی
سیلی ورانداقیزدئییزظالم اوزوم یاندی شام غریباندی
آل عبانون ظلمله اودلاندی خرگاهی
دلخسته اطفالین بوگون عرشه چیخوب آهی
زینب دئییربیلم ندن گلمیرنجف شاهی

سجادبیمارین دوتوب اود خیمه سی یاندی شام غریباندی
بستراولوبدور ریزه قوم اجسادچاک چاکه
خون شهیدان پخش اولوبدور سینه خاکه
یئردن نوادور قوزا نیز هی اوج افلاکه
قدوسیان قان آغلیور گویلرده گریاندی شام غریبان
زینب ییغیبدور قیزلاری چولدن ایدوب ناله
یانموش چادرلاردان قوروب بیر خیمه اطفاله
اوغلی اولنلر گلعذاره توکدیلر ژاله
خیمه نه خیمه عترته چون بیت الحزاندی شام غریبان
بعضی خانم غش ائیلیورگاهی گلورهوشه
بیکس ربابون دوشلرینده سود گلیر جوشه
یاتمادئییز اصغرسودوم واردور گل آغوشه
سینه م اولوبدور بوگنجه اود مجمری یاندی شام غریباندی
واردی نوراللهی یئری قلبون دونه قانه
نوکر قویوبسان آدیوی شاه شهیدانه
عشق حسینین شمعینه یان مثل پروانه

عشقین مناسینده حسین لب تشنه قورباندی شام غریباندی

خزان یلی باغچالارا دولما سین
بنفشه لر سارالماسین سولماسین
وصلت اولسون شادلیق اوسون توئی اولسون
آریلیق اولما سین اولوم اولما سین

یاقیش یاغسا سیل آپارار کردنی
عجل سئچر ایگیلرین مردنی
هردرد اولسا انسان چکر اوره کده
چکه بیلمز آیرلیقین دردنی

آلاگوز یاراشار قلم قاشلارا
ورمز الین گوزللر اوباشلارا
موغان ائلی خان چوبانا دییللر
سیل سارانی چایداچالیر داشلارا

عاشیق مجنوندی هردرده دوزدی
لیلینین عشقینده چوللری گزدی
فرهادا دیدیلر شیرین اولوبدی
کولونگینی ووردی اوز باشین ازدی

کرمده بوعشقین اودینا یاندی
اصلی دیدی داغ داشلاری دولاندی
زلیخا یوسفی ووردی زندانا
اونون ولی یاتمش بختی اویاندی

بیر یوسف ده عاشیقلارین آتبدی
بیلمیرم بس هارداباشین قاتبدی
هی دیدیلر بوگون گلر گلمدی
دای بیزم عمر میز باشا چاتبدی

پایز گلر داغلار باشین قارآلار
آغاچلارین یارپاغلاری سارالار
نوراللهی غزل یازار یارگله
فلک اونون یازدیگینی قارالار

سلیمان نوراللهی تقم اولسون عاشیق
مهدی مرادیه

عزیزم جاویدانیق بو یالان دنیادن آختارما
حکومت آل سفیاندان قالان دنیادن آختارما

گلوب بو کوهنه دنیایه گئدیبدی چوخلی انسانلار
گورن ذول قرنی اسکندر او حشمتده سلیمانلار
ریاست تختینین اوسته نه قدری گور آخیب قانلار
تجاوز ائتدی کتددرده رعیت حققینه خانلار
مباشر آت قاطر گئتدی پالان دنیاده ن آختارما

خلایق بو جهان ایچره داغین اوستینده بیرقاردی
گئجه لر شیشه تک بوزدی گونوز لر چایدا آبشاردی
ایوه یرلشمین اوغلان دینمز بوقبر داردی
مزارین فکرنی ائیله دالان دنیاده ن آختارما

تلاش اید خاکی اول اوغلان یارانمیش آخری خاکدی
گناهه اولما آلوده وجودی انسا نین پاکدی
او منزل که سنی گوزدور قرانلیق یردی نمناکدی
بجر سون بیر چراغ گوندر قارانلیق یرخطرناکدی
او زرق برقی دای نوحدان قالان دنیادان آختارما

یارانمیش دنیا مالیلان دورستی اولادی خوشلار
اولاردا چوخ وفا یوخدی عجل گلجک سنی بوشلار
ایلیکه قویدیلار قبره دوزولدی اوستووه داشلار
قویالار تک سنی اوردا گئدللر یارو یولداشلار
یاپیش دامان مولادن تالان دنیاده ن آختارما

اوکی تابع دی مولایه فنا دنیادن ال چکدی
پتکده زنبورا بنزر حلالدی کسبی گویچکدی
ولی بیر عددلر مثل کثافت اوسته میلچکدی
مقام منصبه خاطرسوخا سوخدی چکا چکدی
رقابت میدانیندا پهلوان دنیادن آختارما

گوزتله آلادار شیطان آلار ایمانوی الدن
اوچونکی آلادیبدی آدم هووانی اوولدن
لجامین بوشلاسون نفسین آتی قدرتلیدی سیلدن
سنی دریایه غرق ایلر الیوی اوزمه ساحلدن
دولان تاپ ناخدانی بادبان دنیادن آختارما

ریاست مرکبین مینسون سوی باشدان بولاندرما
اوره گون خلقه گریانمور اقعللن خلقی یاندرما
بیریندن هر نه ده آلسون باسوب تیز آل یوباندرما
اونو بیر امضیاخاطر اوتوز بش آی دولاندرما
سارلمیش رنگینه باخ زعفران دنیادن آختارما

حکومت گر قضاوتده خیانت ائیدسه بد بخدی
ریاست مرکبیندن گر یخیلسا دورماقی سخدی
گلر صدام کیمی بیر گون او خوشبختین یاتار بختی
ائله الله سالارگوزدن دونر تابوت اولار تختی
جانین آسان آلالار جان آلان دنیادن آختارما

نه قدری ظلم ائیده ظالیم دمک اولماز داخی بسدی
نه چونکی مظلومون قانین سوروبدی داعمی مسدی
اونون دورونداکی جلا یلر مانندی کر کسدی
حقیقت تیشسی بیرگون گوررسن ریشه سین کسدی
فلگین چرخینه دور باخ زمان دنیادن آختارما
نوراللهی سنه الله وروب بیر نعمته عضما
اوتور ضمنینده شکر ایئله اوزوندان چیخما تیز آزما
دیوربیر عددلر گوزله آماندی چوخ سئوزی یازما
گو رورسن ملتین کسبی اولوب داعم قویو قازما
قوروقلار دای پوزولدی دشت بان دنیادن آختارما

اویود

ای بشر آخرسنه مسکن مزار اولسون کره ک
بیر مجووز آل اورا با اعتبار اولسون گره ک
عمروین بیر گون باهارئ ناگهان گول تک سولار
سن سئوه ن دونیا برادر قلبووا اودلار قالار
هرنه کی اول وئریبدی بیر به بیر آخر آلار
قالسا دنیاده ائله بیر یاخشی اعمالین قالار
قبرده دائم سنیله ن همجوار اولسون گره ک

فوری وارث لر بوله رلر فرشووی-کرباسووی
بعضی لر غارت ائده رلر سکه وی الماسووی
باشلانار مال اوسته دعوا پوزدورار اجلاسووی
قیرخ گون اولادین قویوب سققل دوتار

لاریاسووی سونرا دللک خانه ده

اوزلرهامار اولسون گره ک

اوندا کی قیرخین چیخیب قورتادی ختم ومرثیه
قاره نی قیزلار سویارآرواد گئدهر مشاطیه
گزمه گه خوش دور دئیه رآب وهوای تورکیه
ایستیری اوردا خانیم بیر جامه ی وصلت گئیه
گزدیگی یئرلر او یئرده آبشار اولسون گره ک

مزرعه شکلینده دی دونیا او روز محشره
بوردا نه اکسه گر کدیر حاصلین اوردا ده ره
یول تیکانی اولما قارداش وئرمه ال طغیانگره
بیر بویوک دوشمن اولارسان آللاها پیغمبره
اورتورک عیبون آخرت ده آشکار اولسون گره ک

گرقلم آلدون اله گورمه عزیزیم هر ایشی
یاندیریب ایمانووی ییخما یانی اوسته خئشی
قورخ اوگونده ن کی دونه چرخ زمانین گردشی
بورخولوب اوندا دئیرسن یوخ زمانین ارزشی
منصبه انسان چاتاندا هوشیار اولسون گره ک

قورد گلیب اولساچوبان،بیچاره قاضی نئیله سین
گوندوزون ذکری،گئجه رازونیازی نئیله سین
پایه دن کج دیوارا معمار تارازی نئیله سین
بوآپاندیس دردینه حاجت نامازی نئیله سین
یوخ علاجی تیغ جراحه دچار اولسون گره ک

قلبیمی نشتر کیمی شان شان ائده ن بو دردیدی
ائولری سیل تک ییخان بنگ و حشیش گردیدی
نوجوانین گول عذاری زعفران تک زر دیدی
میللتی معتاد ائده نلر شمردن نامردیدی
بیر بئله مرد مزخرف سنگسار اولسون گره ک

بطن مادردن گلنده مثل بیر گولدور بشر
گول تیکانلا یولداش اولسا تئز طرواتدن دوشر
باغبان هر نه سو توکسه عاقبت وئرمز ثمر
کیم قویوبدور آدینی گر شیعه ی اثنا عشر
گوزله سین من من دئیه نلردن کنار اولسون گره ک

مردیده بیر جه آییق وجداندی دینی ساخلییار
اولماسا وجدانی غفلت بستر ینده یو خلییار
نه یئتیمه رحم ائده ر نه خویش و اقوام یو خلو یار
هرنه گئورسه لاشه خور تک تئز قونوب درنا خلییار
بئوشلو یان افسار نفسین لاشه خوار اولسون گره ک

بعد پیغمبر عدو نفسین لجامین بوشلادی
دهرده انگشتر ظلمین رکابین قاشلادی
ظولم الیله اول دنی مرآت حقی داشلادی
گئوردو فرصت دیر فدک برنامه سین تئز باشلادی
بیر بئله نامرده لعنت بی شمار اولسون گره ک


فکر ائله آیا علی گور بو جهاندا نئیله دی
ذوالفقارایله مگر آز دینه خدمت ائیله دی
عبدودی اولدورنده هاممی احسن سویله دی
قاپینی بیر اللی گوتدو خیبری فتح ائیله دی
لافتی الاعلی دیلده شعار اولسون گره ک

الغرض ظلم عدو قلب جهانی داغلادی
باخدی نه آللاهه،نه طاهایه حورمت ساخلادی
مصلحت مظلوم علینین قوللارینی باغلادی
ییرمی بئش ایل اوتدو مولا دینه خاطر آغلادی
گورسه کیم دینین خطرده اشکباراولسون گره ک

دین سیز امت اود ویریب یاندیردی باب اقدسی
توش اولوب سنگ جفایه چون حیا آئینه سی
سیندی پهلوسی باتیب مسمار یاندی سینه سی
عرشه چیخدی فضه نین (یاحضرت مولا)سسی

گورسه کیم یارین یارالی بی قرار اولسون گره ک

اهل مجلس عفو ائده لر سوزلریم بی پرده دیر

قان آلان اوغلو گلینجه خون زهرا یئرده دیر

شیعه نین قلبی اولونجه اودکیمی میجمرده دیر

ال دوعاده گوزلریمیز آخرین رهبرده دیر

مهدی گلسین تا الینده ذوالفقار اولسون گره ک

سلیمان نوراللهی

چاتدون چوبانا آجلیگون اولسا صوته یالوار

آرواد چوره گی تندره توکدی کوته یالوار

گرقالسا یاخان نا نجبیله ایت الینده

گرامکانی اولسا گینه اوغلان ایته یالوار

سلیمان نوراللهی

عقیللی آداملار گوله بنزیئر
بلبل گولون هوسیندن اوخیار
آری گلر گرده سیندن بال دوتار
باغبانلار آریا سبد توخیار
سفه آدام توالته بنزیئر
پوخ قویو سی دولدیکجا پیس قوخیار

سلیمان نوراللهی

بیر دسته گولونن گَلَر کوره کن

قیزین قاپی سیندا مَلَر کوره کن

اَلینه سالیب بیر قراضه ماشین

لنگری ساقالی آلدریب قاشین

گِئچی گونینه اوخشادیب باشین

دولدوروب سرمه ای تن گوزون کوره کن

آروادا اوخشادیب اوزون کوره کن

خواستگار گلیبدی قیزدا سوونور

آینا قاباغیندا تِز تِز گیرینیر

تِز بعلی نی دیسین قلبی دویونور

چای قیزدان آلیر چاغیر کوره کن

کور خروس ساقیزه باخیر کوره کن

قیزین ننه سینین اوره گی خوشدو

قیزین دا باشینی باشلارا قوشدو

نه بیلیر اوغلانین اَن سَسی بوشدو

دَییر ایشتیجک جانیم کوره کن

اِلَجَک قیزیمی خانیم کوره کن

اوغلانین ننه سی میوه نی ییییر

سوز باشی اوغلونو تعریف ایلیییر

اوغلوم آینده ده دوکتوردو دئییر

نه بیلیر مواد ساتیر کوره کن

هم چِکیر هم قرصون آتیر کوره کن

گوزونده عینکی بلینده همراهی

جیبینده تاپلمیر بیر دلیک شاهی

دیندیرنده دئییر آغام اروانی

یالانین قاپسین چالار کوره کن

آللادار تئز قیزی آلار کوره کن

تویوندا گیرینَر آغ کت شلواری

اِله بیل کی یاخیب چله نین قاری

ترکیه باشماغ ؛ کراوات ساری

ساغ سولوندا دورار ساغدیش سولدوش

گلین گلیر بئی ایلییبلَر بارقوشو

ایشی میز ای کیشی اویوندو اویون

قاریشیب بیر بیره قوردونان گویون

گور کیملَر کیمنن اِیلییب تویون

دولتدَن ؛ خدمتدن ؛ قاچیب کوره کن

کول دیبی قالمییب سیچیب کوره کن

اِله کی آپاردی یخدی خالانی

آقای دوکترون چیخدی یالانی

سوروشدو بلینین دوشدو پالانی

اوزو قویلو اِوده یاتار کوره کن

قیزین قاب قاشیغین ساتار کوره کن

بیرگون ایشتیرنده رنگی سارالار

باش ماشی گیجَلَر گوزو قارالار

اَنسه گِنَلدیخجه شلوار دارالار

آغزیندا چیخار دیشی کوره کن

دادگاها گئچَر ایشی کوره کن

یاخشی کوره کن ائللَرده چوخدو

یاخشی کوره کَنین قیمتی یوخدو

قایناتییا اوغولدان قاباخدی

بیر وعده ایشینده ؛ قالماز کوره کن

باشیوی آشاغا سالماز کوره کن

نوراللهی دئییر جانیمنان دوییام

پیس کوره کن لرین بوینونو اوایام

دوردین یاراشدیرام بیر قبره قویام

زندگی نین داشین آتا کوره کن

قبر اوینده راحت یاتان کوره کن

استخراج شده از ودیو های پخش شده در دنیای مجازی

عزیزم جاویدانیق بو یالان دنیادن آختارما
حکومت آل سفیاندان قالان دنیادن آختارما

گلوب بو کوهنه دنیایه گئدیبدی چوخلی انسانلار
گورن ذول قرنی اسکندر او حشمتده سلیمانلار

ریاست تختینین اوسته نه قدری گور آخیب قانلار
تجاوز ائتدی کتددرده رعیت حققینه خانلار

مباشر آت قاطر گئتدی پالان دنیاده ن آختارما

خلایق بو جهان ایچره داغین اوستینده بیرقاردی
گئجه لر شیشه تک بوزدی گونوز لر چایدا آبشاردی

ایوه یرلشمین اوغلان دینمز بوقبر داردی
مزارین فکرنی ائیله دالان دنیاده ن آختارما

تلاش اید خاکی اول اوغلان یارانمیش آخری خاکدی
گناهه اولما آلوده وجودی انسا نین پاکدی

او منزل که سنی گوزدور قرانلیق یردی نمناکدی
بجر سون بیر چراغ گوندر قارانلیق یرخطرناکدی

او زرق برقی دای نوحدان قالان دنیادان آختارما

یارانمیش دنیا مالیلان دورستی اولادی خوشلار
اولاردا چوخ وفا یوخدی عجل گلجک سنی بوشلار

ایلیکه قویدیلار قبره دوزولدی اوستووه داشلار
قویالار تک سنی اوردا گئدللر یارو یولداشلار

یاپیش دامان مولادن تالان دنیاده ن آختارما

اوکی تابع دی مولایه فنا دنیادن ال چکدی
پتکده زنبورا بنزر حلالدی کسبی گویچکدی

ولی بیر عددلر مثل کثافت اوسته میلچکدی
مقام منصبه خاطرسوخا سوخدی چکا چکدی

رقابت میدانیندا پهلوان دنیادن آختارما

گوزتله آلادار شیطان آلار ایمانوی الدن
اوچونکی آلادیبدی آدم هووانی اوولدن

لجامین بوشلاسون نفسین آتی قدرتلیدی سیلدن
سنی دریایه غرق ایلر الیوی اوزمه ساحلدن

دولان تاپ ناخدانی بادبان دنیادن آختارما

ریاست مرکبین مینسون سوی باشدان بولاندرما
اوره گون خلقه گریانمور اقعللن خلقی یاندرما

بیریندن هر نه ده آلسون باسوب تیز آل یوباندرما
اونو بیر امضیاخاطر اوتوز بش آی دولاندرما

سارلمیش رنگینه باخ زعفران دنیادن آختارما

حکومت گر قضاوتده خیانت ائیدسه بد بخدی
ریاست مرکبیندن گر یخیلسا دورماقی سخدی

گلر صدام کیمی بیر گون او خوشبختین یاتار بختی
ائله الله سالارگوزدن دونر تابوت اولار تختی

جانین آسان آلالار جان آلان دنیادن آختارما

نه قدری ظلم ائیده ظالیم دمک اولماز داخی بسدی
نه چونکی مظلومون قانین سوروبدی داعمی مسدی

اونون دورونداکی جلا یلر مانندی کر کسدی
حقیقت تیشسی بیرگون گوررسن ریشه سین کسدی

فلگین چرخینه دور باخ زمان دنیادن آختارما

نوراللهی سنه الله وروب بیر نعمته عضما
اوتور ضمنینده شکر ایئله اوزوندان چیخما تیز آزما

دیوربیر عددلر گوزله آماندی چوخ سئوزی یازما
گو رورسن ملتین کسبی اولوب داعم قویو قازما

قوروقلار دای پوزولدی دشت بان دنیادن آختارما

من اوتوروب فیکر ائدرم ایندیلر

گلین اولاردی لار آتا میندیلر

ایلقار وریب نده ایلقاردان دوندولر

اون سگیز قیز ؛ دوقوز اوغلان دوغدولار

نه حب اتیب نه قاباغین بوغدولار

سلیمان نوراللهی

======

اولاردی دیلار =انهایی هستند

استخراج شده از ودیو های پخش شده در دنیای مجازی

غزل بایرام گونلری

بیر گیلئیلی نامه یازدیم یاره بایرام گونلری
اشگیمی توکدون نه دن رخساره بایرام گونلری

من ال اوزدوم هرنه دن دوتدوم سنین دامانوی
سن ولی وئردین الین اغیاره بایرام گونلری

بی وفالیق درسین آلدین فانی دنیادن یقین
قوئیدین آخرده منی آواره بایرام گونلری

گل باشیم اوسته طبیبیم عشقوین بیماریم
دردبی درمانیمه قیل چاره بایرام گونلری

عکسوی قلبیمده ساللام بیر یانیقلی آهیلن
قاب ائدیب ویررام اوئنو دیواره بایرام گونلری

حسنوین گئوندر بهاریندن منه بیر دسته گول
دب دی بایرملیق وئرر یاریاره بایرام گونلری

بلبل شیدا چکر چون اون بیر آی گول حسرتی
شوقیله پرواز ائدر گولزاره بایرام گونلری

دهریده حسرت چکن عاشق ایکی یول آغلییار
بیر فراقه بیرده کی دیداره بایرام گونلری

بیر یول آغلاتدون گئوزل بیر یولدا گل آغلات منی
دوزگئوره ن وقته سیزیلدار یاره بایرام گونلری

سنده کی حسن ووجاهت نازلی دلبر کیمده وار
بیر فقط گئویده چیخار مه پاره بایرام گونلری

بیرنگاهیله ییخارسان عرصه ده مین عاشقی
بنزه یر کپریکلرین شاه ماره بایرام گونلری

من اناالحق سسله مکده عشقوین حلاجی یام
ساچلارین سال بوئینوما چک داره بایرام گونلری

یاکمان قاشدان بیر اوخ وور قلبیمه چیخسین جانیم
باشووا سال ماتمیمده قاره بایرام گونلری

کوی عشقوندا نوراللهی ائله دیوانه دی
یازدیغی دیوانی ائیلر پاره بایرام گونلری
سلیمان نوراللهی

نوحه خوانین سوزلری

گینه بوطبع گلیرسینه ده هئی پیچ وخمه
وئربیرپندونصیحت بوگون اهل ظلمه
دئیه:ای پست فرومایه نئیه کج گئدیسه ن

خلقین آماج ائدیسن قلبینی تیرستمه
متن تاریخه کمک دی شعرانین قلمی
نه جسارت دی گئده ائیلسن اهل قلمه

یاحسین سسلنی سن شیمره اطاعت ائدیسن
چیخسان بیرآغاجااللی بیرین سیلکه له مه
سنه نه!بنگ وحشیش یاهئروئیندان یازیرام

چکسین اوستمه جلادکیمی فوری قمه
بی حجاب آروادابونداندابترسوزیازارام
قوی منه کوچه ده آغزین اییر،ایسین سلمه

دئییره م معتادادورآینادابیررنگوواباخ
داخی بس دیربوقدرباشووه چوخ کول المه
حیف اولادهره سوز قانمئیان انسانین اگر

فرقی یوخ آغزینا بارماق وئره سن یاکی مه مه
ناخلف اولسا بیری نوحه خوان اولماز گوزلیم
نوحه خوان بیرکس اولارکی ننه دن دوزسودامه

اوره گ آئینه سینین گردینی پاک ائیله مه سون
آغلامازلارسوزوه باشوه ویرماقره مه
نوحه خوان بزم عزاباغچاسینین بولبولودو

ایه بولبول دگیسه ن کورپه بیزو تک مله مه
نوحه خوان آغلییا هم آغلادا چوخ لذتی وار
گوزیاشی پلکده اوخشارگولون اوستونده نمه

نوحه خوانین قاداسین آلسام اورکده یئری وار
وئرمه ره م بیرتوکونوجمشیدایله جام جمه
مجلس آل پیمبرده ریاست یئریمز

کیم بوراگلسه اگرکی گرگ اولسون خدمه
اول آدابینی بیل مجلسین اوندان گئچ اوتور
بوسوزو دالداداحتی دئیه ره م اوز ده ده مه

بوعزابزمیدی بیجا دانیشیب گول مه گیله ن
تفریحه گئتسون اگرگئت گیله پارک ارمه
قیرخ بیره چاتدی یاشین هرزه وهذیانی بوراخ

چکمه بوملتی گاهی سولویاگاه دئمه
گرحسین نوکری سن دوزیولاگئت دوغرودانیش
آللاهی ترک ائلئییب ائتمه عبادت صنمه

ای نوراللهی اوخوشعرووی اهل ادبه
ساتمابوسوزلرووی درهمه یاکی درمه

باش آغاردیقجاویرارزنگ خطرگئتمه لی سن
عمرووین قالدیقی بنزه ر داغین اوستونده چمه

سلیمان نوراللهی
سوزبازاری

دیلیین وئره ن دینینده وئره ر

حفظ ائدن هربشرین دهریده دینین دیلیدی
میندیرن ارزشه افکار ومرامین دیلیدی
آیری دیل لرده اگر قند و شکر وارسا گولوم
اوکی بالاداندا شیر ینده اودا تور کون دیلیدی

گزیره م یوسف کنعان کیمی ابتگین ائلیمی
بیر یازان یوخدو اوزاق ائل لره بو نسگیلیمی
یئتیشین داده منی بوغدو بو فارسین دنیزی
سو کیمی آلدیلا بیر آب ایله الده ن دیلیمی

من سیزین سینه سی قانیله دولو بیر گولوزه م
ائوزگه لر دوستاقی هجراندا یانان بولبولوزه م
واختیز اولسا منیده یاد ائدین آغلار گئوزوله
هرنه اولسامدا سیزین شاعر شیرین دیلیزم

هله حفظ ائیله میشم ایندی یه تک من دیلیمی
باغلی یا قویمامیشام کینه لی دوشمن دیلیمی
دیل کسنلر ائوزومو سالسالادا دیلدن اگر
قویمارام جان نه قدر وار دوشه دیلده ن دیلیمی

سلیمان نوراللهی سئوز بازاری

عموغلو

تهرانه دوروب گلمه گینن کتدن عموغلو
اوزمه الیوی بال-کره دن ات دن عموغلو

قال یازدازراعت ده جوت اک یایدانوخوددر
خرمنده اونون بالیقین آچ یاش قوروسون سر
دوی دوت لپه سین بیرنئچه باتمان بیزه گوندر

چکمه الیوی جودوسخاوت دن عموغلو
تهرانه دوروب گلمه گینن کتدن عموغلو

هراولکه یه گئتسون گئت اوغول تهراناگئتمه
ائوده اوزووی دائمی عزلت نشین ائتمه
یابیرشله پالتارگوتوروب مئیداناگئتمه

یایداسالاجاق ایش سنی طاقت دن عموغلو
تهرانه دوروب گلمه گینن کتدن عموغلو

بورکوسن آتارسان یئره تئزچادرانی آرواد
اوغلان باشین آلمانی ویرارقیزگزه رآزاد
(گول قیز)اوتورانداپاچادان گورسه نرهرزاد

چون اورگنجک هرنه یی(آفت)دن عموغلو
تهرانه دوروب گلمه گینن کتدن عموغلو

هرصنعتی اورگندی ملل مدبیزه چاتدی
گولشن اولارایاندیرجی اودبیزه چاتدی
حالوانی اولامئیل ائله دی دودبیزه چاتدی

سالدی چوخونوقیزکیمی غیرت دن عموغلو
تهرانه دوروب گلمه گینن کتدن عموغلو

آللاه برکت وئرسین عزیزیم گینه کنده
چون شهرده وارمین جوره اعمال زننده
بعضی اوزونوبیلمیری هئچ آللاهابنده

سنده قاریشیب اولمااومیلت دن عموغلو
تهرانه دوروب گلمه گینن کتدن عموغلو

دای صبحاناداگورمیه جکسن کره-قیماخ
آروادیئیه جک شورپنیری هئی دئیه جک آخ
سن چئگنوین اوست دن داناتک سفرایادورباخ

گوزله ییخیلیب اولمه خجالت دن عموغلو
تهرانه دوروب گلمه گینن کتدن عموغلو

آچدی جوتونوچوخلاری ترک وطن ائتدی
چاتدی کوچونوتهرانایاتبریزه گئتدی
تبریزده گزیرایندیده قارداش قره بور کدی

هئچ نامه سیده گلمدی غربت دن عموغلو
تهرانه دوروب گلمه گینن کتدن عموغلو

ائل کوچدویئرینده قورولوقالدی قالاخلار
یون تک آغاریب قاشدی گدیک لردن آلاخلار
سیندی کوزه لرتاخچاداپاسلاندی اوراخلار

دهقان عزیزبئزدی زراعت دن عموغلو
تهرانه دوروب گلمه گینن کتدن عموغلو

دای بیرده آلان آلدی ساتان ساتدی قوتاردی
هرکس اوخونوبیرهدفه آتدی قوتاردی
دوتدویوکونوائششگینی چاتدی قوتاردی

گتدی الینه ثروتی سرقت دن عموغلو
تهرانه دوروب گلمه گینن کتدن عموغلو

قارداش اوتورانمیرداخی قارداش بوجاقیندا
خاموش اولوب اودمهرومحبت اوجاغیندا
دولتی کاسیب دائمی دیزلرقوجاغیندا

کوهنه اولویه اوخشوری رویت دن عموغلو
تهرانه دوروب گلمه گینن کتدن عموغلو

بیرجامعه ده اولماساگرمهرومحبت
اوغلان آتایا،قیزآنایا،ائتمه سه حورمت
زندان اولودنیابشره زندگی ذلت 

چوخ خوشدوجهنم بئله جنت دن عموغلو
تهرانه دوروب گلمه گینن کتدن عموغلو

دای جامعه میزقالمادی اولکی حالیندا
یاشماق بورونون اوسته ایپک یایلیق آلیندا
بیرایل اوتوراتازه گلین پرده دالیندا

یوخ بورداخبربیربئله عفت دن عموغلو
تهرانه دوروب گلمه گینن کتدن عموغلو

سن باخما چاتیب شهرته بیرعده اویون باز
خرمنده تویوق دئمده ده وه گولده اولور قاز
واضح دی بوسوزیوک کج اولامقصده چاتماز

بیرگون ییخاجاق آرخی بونون بت دن عموغلو
تهرانه دوروب گلمه گینن کتدن عموغلو

چشمه سویونون یوخ ضرری ایچ نئچه فنجان
تندیرلاواشین دوغراسوته قات یئ دویونجان
دای معدووی آغریتمییاجاق قاره بادمجان

دکتر چوخون اولدوردوطبابت دن عموغلو
تهرانه دوروب گلمه گینن کتدن عموغلو

آرپاچوره گین اوویاغا باس قوی خشه دولسون
قوی وئرسین انرژی بدنه نصفی قان اولسون
ایچ یایداسویوق آیرانی جسمونداجان اولسون

قیرخافشارون چیخماسین اون دورتدن عموغلو
تهرانه دوروب گلمه گینن کتدن عموغلو

تورک اوغلونوراالهی یام اصل ونسبیمده
تورکون دیلین اورگنمیشه م علم وادبیمده
بیرآیری صفاواردی منیم دوزلوطبیمده

قاتمام دیلیمی فارسابوعلت دن عموغلو
تهرانه دوروب گلمه گینن کتدن عموغلو

سلیمان نوراللهی