استاد الشن خزر
تانیون کیمدی همان کرب و بلا سلطانی
او حسیندور که دوتوب عشقی بوتون دونیانی
او حسیندور که اونا کل ملکلر عاشیق
اونا داغلار و دنیزلر و کولک لر عاشیق
اونا داشلار و یاغیشلار و چیچکلر عاشیق
او جانینان و قانینان یاشادیب قرانی
سوراول کس حسینی اولسا کیمین وجدانی
ای حسین عاشیقی مجلس عرفا مجلیسیدور
هاردا وار اسم حسین ، کربو بلا مجلسیدور
بورا بیر حالدا کی شاه شهدا مجلسیدور
بیر روایت دانیشیم سیزلراوچون عرفانی
سایمیین سیز اونو فرهاد و شیرین داستانی
گونلرین بیر گونو سلمان دولانیدی شهری
دردینی سویلمغه سانکی گزیر بیر نفری
تئز اباذر دئدی سلمان داها آت غم کدری
منه آگاه ائیله قلبینده اولان پنهانی
دردی بولمک قوتارار دتدن امن انسانی
ای اباذر بو نه درد، گور نه دی کوکسینده منیم
پنج وتن سوگیسی یکسردی بو جسمیمده منیم
اما عشقیم حسینه آیردی قلبیمده منیم
قورخورام کفره آپارسین بوعمل سلمانی
خسته کونلوم تاپابیلیمر اوزونه درمانی
سلمان اوز قلبیده کی عشقینی آگاه الیدی
خیلی وقت سوسدو اباذر سورا بیر آه الیدی
اودا اوزعشقینی اوز دوستونا ایضاح الیدی
نئچه وقت دیر سویرم سن دیدیغین جانانی
دئمغه تاپمامیشام بیروفالی انسانی
نه بیلک بیز نئجه دوشدوغ بو دلی سودایه
اوشاغی یاخجی تانیر کیم گئتیریب دنیایه
گل گئداخ عشقیمیزی آگه اِدخ زهرایه
بو اِدَر ظلمته دوشموش سوالی نورانی
هم زیارت ائیله جبرائیل اولاند عنوانی
محضر فاطمه یه گَلدی ایکی عالیجناب
که حسین عشقی ندی، قلبیمیزی اِتدی کباب
فاطمه سویلَدی کی منده بونا یوخدو جواب
سئویرم منده سوزون تک، بو گلِ ریحانی
جوابین بلکه علی بیلسین اودور باغبانی
القرض مجلس عشاقه اوزو گلدی علی
اونادا اولدو سوال ،عشق حسینون مثلی
جوابیم یوخدو دئدی تک بونو انناتدی ولی
نئجه سوز حیرانی سوز ، منده اونون حیرانی
رسول الله گئدیب علیه گین اعلانی
رسول الله ائده بیلمز هوادان تحلیل
گوزله دی الله اونا بیرخبر ائدسین نازیل
او مقام اِندی یئره روح الامین جبرائیل
دئدی دئه سئومگ حسینی دورویار ایمانی
ادو الله دئدی اسلام دینینین قربانی
اُدو میدان محبتده گیرن قانلی کفن
ادو میداندا مبارک باشی دالدان کسیلَن
اودو باشیسزقومون اوستونده قالان تنها بدن
اودو اوز اُلومیله مغلوب اِدَن دوشمانی
اُدو داشلاندیریلان کرب و بلا مهمانی
اُدو سقاسی خجیل ساحل عماندا اولَن
اودو بیراغلو شجاعت ائیله میدان دا اِدَن
اودو بیر کورپه قیزی چوللی بیاباندا اولن
اودو اولاد بوغازینان چیخادان پیکانی
او سَپیبدیر گویون اوزونه بیر اووج مرجانی
ای رسولیم نه قدر عشق اولا لایق دی اونا
راه عشقی کیمی تاپمیشدیسا راشیقدی اونا
او ائیله بنده دی الله اوزو عاشیقدی اونا
اودا الله نا عاشیقدی ادیب عصیانی
نه دی بیر جان وِرَر اللهَ اولا مین جانی
بونو ( اِلشن ) دئه مَسَون روحیوه مقصب اولماز
حسین عاشیقلری اچیره سنه منصب اولماز
دینه مین عاشیق اولا هئچ بیری زینب اولماز
نه بیلیللرکی ندیر شام دا اسیر کاروانی
زینبده کاروانین غم چی یین سروانی.