طبقه بندی: نوحه و مداحی در باره فاطمه زهرا (ع)،
برچسب ها: قادر خانبابایی،
بسم الله الرحمن الرحیم
شعر چاپ نشده
(کپی شعر بدون اسم شاعر حلال نیست ))
افتخار کانال
شاعر اهلبیت(ع)
استاد بزرگوار
کربلایی قادر خانبابایی
( شهرستان ملکان )
*
جلوه معنوی نور خدا فاطمه دی
محور منتخب آل عَبا فاطمه دی
شافع حب حسین روز جزا فاطمه دی
ایکی دونیا ده بیزه کارگشا فاطمه دی
کُل بو خِلقَته َ دونیاده بها فاطمه دی
*
کیمدی بو فاطمه دونیایه برابردی خانیم
عِترتِ حضرت پیغمبره گوهردی خانیم
اون بیر اُولدوز آناسی حیدره همسردی خانیم
او گوزَل عِصمته اَحسَن نئجه مادردی خانیم
وِرن آلاه اونا چوخ شان و حیا فاطمه دی
شان پاکینده خدا سوره کوثر یارادیب
بیر فقط حیدره بو شخصی برابر یارادیب
اونو هم کفو همان حیدر صفدر یارادیب
حضرت فاطمه نی احمده مادر یارادیب
ای محبان علی روح دعا فاطمه دی
*
بو خانیم مَنزَلَتین گِئت نجبادن خبر آل
عصمت فاطمه نی شیر خدا دن خبرآل
حورمتِ فاطمه نی روز جزادَن خبر آل
کَرم و بخششی نی شاه و گَدادَن خبر آل
خِلقَت ِ لم یَزله َ کل بها فاطمه دی
*
قهرمانلار بئجییب احسن اونون مکتبینه
او گوزل مکتبی حفظ ایله دیقی ، زینبینه
مرحبا ام ابیها اولان او منسَبینه
ما خَلَق جمله پناهنده دی چادر شَبینه
اِدن آلاه اونا چوخ لطف و عطا فاطمه دی
*
دین اسلامی اونون اوغلو سرافراز ائله دی
آلتی ایلیق اوشاقی خالقه سرباز ائله دی
کاخ ظلمی قیزی زینبدی برانداز ائله دی
صلح حق حسن اوز قصدینی ممتاز ائله دی
مادر پاک شه کرببلا فاطمه دی
*
قیزی زینب تَکینه گور نه قیامت ائله دی
مجلسِ پَست یزید ایچره شجاعت ائله دی
آل سفیانی خانیم لعن و شمادت ائله دی
اهل بیت حقینی پیوسته حمایت ائله دی
بو قیزا بیر گوزَل عصمتلی آنا فاطمه دی
*
ولی افسوس اونا ظلم ائدیب اشرار زمان
در و دیوار آراسیندا توکولوب دور یئره قان
یری واردور بو مصیبتده یانا کلِ جهان
آغلیان وقته خانیم آغلادی هر کون و مکان
گئجه گوندوز دییَن عالمده رثا فاطمه دی
*
ائیله کی سینه سینی داغلادی مسمار بلا
یخلان وقته گوروب بیردن اونو شیر خدا
نا مسلمانلار ائدیب حقینه مین جور و جفا
ما خَلَق آغلادی سوزیله ائدیب آه و نوا
مرتضی عشقینه عالمده فدا فاطمه دی
*
یغشیبللار باشینا خیرداجا مظلوم بالالار
نه روا دور کی بئله عترتی نالان قالالار
یری واردورکی مَلک لر بو غمه اوتلانالار
قاره پرچملر ی عرش اوسته سراسر سالالار
ظلم عظما ده چئچن درد و بلا فاطمه دی
***
اشعار ناب مذهبی ترکی و فارسی👇🙏
@delbakhteganeheydarekarar