بسم الله الرحمن الرحیم

ایام شهادت حضرت ابا عبدالله الحسین

یا حسین ای مظهر ایمان ، سلام اولسون سنه

ایستی قووملار اوسته ای عریان، سلام اولسون سنه

عشق پاکینده حسین سر مشق اولوبسان عالمه

مست صهبای الست اولدون دایاندین هر غمه

امتحان پس وردین عاشوراده حی اعظمه

بارگاهین روضه رضوان ، سلام اولسون سنه

آخدی الله قانی ای مولا بوغازیندن سنین

قالدی حیران کربلا راز ونیازیندن سنین

ایندی ده مبهوت اولوب عالم نمازینده سنین

دینه خاطر جان وئرن عطشان سلام اولسون سنه

قتلگاه عشقیده قیلدین دعا بو امتی

یاخشی تعلیم ائیله دین انسانلارا حریتی

عالمه اویرتمیسن "هَیْهَاتَ مِنَّا الذِّلَّة "ی

اولدو تفسیر آیه مرجان، سلام اولسون سنه

سیندی صبرین طاقتی مولا فراقیندن سنین

دوتمیشیدی قیزلارین محکم ایاقیندن سنین

قتلگهده اوپدی زهرا گول دوداقیندان سنین

عرش بو حالین ائدیب گریان، سلام اولسون سنه

اصغرین قانین سپنده آغلادی ارکان سنه

اکبرین نعشین یغاندا خالق سبحان سنه

آغلادی حتی اوگون اول  شمربس نادان سنه

ای تمام خلقته برهان ، سلام اولسون سنه

زینبین شاماته گئتدی انقلابین یاتمادی

آل بو سفیان مرادین شوم و پست چاتمادی

نهضتین بیدار اولوندوخون پاکین باتمادی

ای قویان عالملره حیران ، سلام اولسون سنه

سالدی زینب شامه بیر طوفان ، سلام اولسون سنه