سوزوم وار
یاز اولاندا گوو چیمنین اوستونه
سالدیقیمیز قوراق لارا سوزوم وار
اوشاق چاغی کند ائوینده لامپالار
لالا گیرسوز چیراغلارا سوزوم وار
آشیق دانقا هی سورتردیک سورتوگه
سققه آشیق هی قوراردیق چیرتیگه
تاقجالارا بوغجالارا اورتوگه
آنام ووران یاراقلارا سوزوم وار
هانی قدیم انلیک کیرشان یاخانلار
اوشاق اوسته گوز مینجیغی تاخانلار
توی گونونده دام دوواردان باخانلار
دوزولردی قیراقلارا سوزوموار
بایرام گلیب یاشیل دونون سرنده
آداخلی قیز بئیین گویلون گورنده
یارتئلینی قیش گئجه سی هورنده
گوزگو تاختا داراقلارا سوزوم وار
باغلانمیشدی بیربیرینه ماحاللار
دولاناردی درد دالیجان کاحاللار
کند یئرینده آغ سققللر جاهاللار
ائلدن دوتان سوراخ لارا سوزوم وار
"سالک "بوگون ائل غمینی بول اوزون
اوتن گونه آلیش اوزون اول اوزون
ائل ایچینده ائل قایقیسین ائل سوزون
جاندا یازان واراقلارا سوزوم وار
#سالک
@turkimahn