یوخ! دئیه‌سن باش توتمادی بو سفر،
بو قاطارلا من گئده‌سی اولمادیم.
تاپیلمادی کؤنول آچان بیر نفر،
بو قاطارلا من گئده‌سی اولمادیم!
خدمتچیسی یئتمیش ایلین خسته‌سی
دیلنچیسی أل آچماغین اوستاسی
میدان آچیب لوتولارین دسته‌سی
بو قاطارلا من گئده‌سی اولمادیم!
آغیللیدان دلیسی چوخ بو یولون،
ان سورانی _ زلیسی چوخ بو یولون،
علی‌سی چوخ_ ولی‌سی چوخ بو یولون
بو قاطارلا من گئده‌سی اولمادیم!
دوردوغو یئر لاپ یارغانین قاشیمیش
بلدچیسی، نابلدمیش_ناشیمیش
سوروجوسو اوغرولارین باشیمیش
بو قاطارلا من گئده‌سی اولمادیم!
بو یوللاردا کیم چاپیلار_کیم چاپار
آلله بیلیر کیم ایتیرر_کیم تاپار
بیلیط ساتان! بیلیطینی گل آپار،
بو قاطارلا من گئده‌سی اولمادیم!
#زلیمخان_یعقوب
@Sevgidanizi1