دونیانین ایشینه ،گولماغیم گلیر،
کیمه ساغ دئییرم، سول نیشان وئریر.
محبت یئرینه اینسان اینسانا،
قولوندان دانیشیپ، زور نیشان وئریر.
یاخش نین گوز یاشی، سئل کیمین آخیر،
آینالی کونول لر، باغلاییپ پاخیر،
آنلاماز دانیشیر، آنلایان باخیر.
نابلد، بلده، یول نیشان وئریر.
نادانلار،چوخ گورور،زری ،زرچییه،
صرراف متاعینی ساتیر چرچی یه،
زمانه تاپشیریپ گولی سئرچییه.
اومود زوردان دانیش،عدالت نه دیر!
وار دولت یانیندا ،صداقت نه دیر!
هر کیمه دئییرسن محبت نه دیر؟
چیخاردیپ جیبن دن پول نیشان وئریر.
🆑 @Azar_sasi✍