toranj__art__ 🌸🌸🌸
عزیز و حورمتلی دوست لار، گوزل نوروز بایرامی و باهارین گلیشین سیز عزیزلره مبارک دئیب و تانریمیزدان سیزلره جان ساغلیقی، سعادت و شادلیق و خوش اورک آرزو الیرم، انشالله کی ئنی ایل جمله میزه خیرلی و اوغورلو اولسون
🌸 یاخارمیزدان

باهار گلیب

بولودلار چیخیر اویناغا

اوبالار کوچور یایلاغا

بولاقلار گلیر قایناغا

ائللر دئییر : ((باهار گلیب))

یاشیل زمی لر بوی آتیر

بوی آتیر سونبوله چاتیر

تیکانلار آیاغا باتیر

چوللر دئییر : ((باهار گلیب))

ســورولــر داغ اتـه یــیــنـده

ایـچـمیه ییـنده - یئمه یینده

چوبانلارین تــوته یــیــنده

زیللر دئــییر : ((باهار گلیب))

چایلاقلارین قــازالاریندا

قــیز-گلینـلر نازلاریــندا

عاشیق لارین سازلاریندا

تئللر دئییر : ((باهار گلیب))

حسـرت گـوزلر اوزاقـلاردا

آرزولایـیــر بـوجــاقلاردا

سیزیلدایان دولاقلاردا

دیل لر دئییر : ((باهار گلیب))

گوز تیکدیکجه سولا-ساغا

قوشلار قونور گول بوداغا

گویدن یاغیش یاغا-یاغا

سئل لر دئییر : ((باهار گلیب))

هئــی باخیرام پنجره دن

گوزوم دویمــور منظره دن

چیچک آچان داغ - دره دن

گوللر دئییر : ((باهار گلیب))

____________

شاعر : فرهاد ابراهیمی (رجب)

اوخویان : عاشیق عیسی دشن

 #فرهاد_ابراهیمی 

#باهار