سهند اولادی ( فرزند دیار سهند) | شنبه ۲۷ اسفند ۱۴۰۱ | 1 PM
آنا شعری
باهار فصلی گوللر آچار داغدا باغدا دمنده
بلبل اوخور گل اوستونده ، چه چه ورار چمنده
سللر گلر شاخ شاخ آخار چایلاخلارا یول تاپار
بولود دولار مه قوزانار داغ اوستونده یئر تاپار
بولود دولار مه قوزانار داغ اوستونده یئر تاپار
یاغیش یاغار داغا دوزه دره یه
دولو دوشه ر داغ دوشونده یاغمیش قارلار اری یر
آغاجلارین بوداخلاری چیچکلنر گول آچار
کئورپه اوشاق دیر گولر دانیشماغا دل آچار
نوروز گولو قار چیچگی یئردن چئخار داغلاردا
میوه وئرن آغاجلاردا بار گئتیرر باغلاردا
سنده منیم گوزل آنام بنزی سن باهارا
گله جیم سوزه قوناق شوربا پیشیر ناهارا
بوویمیشم قوجاقوندا یئکه کیشی اولموشام
بوجور دئسم گولمه منه سن سیز چوخ داریخمیشام
گاه باخارام گوده آیا اوزون دوشر یادیما
اولدوزلاری گورنده من گوزون دوشر یادیما
گاه آچارام قوللاریمی قوجاخلیام من سنی
گاه گلر سن سن یوخوما قوجاخلیارسان منی
باش قویارام دئزون اوسته راحات راحات یاتارام
ال باشیما چکسون منیم دونیالاری آتارام
سن آناسان من بیر اوشاق قوی ئوپوم گوزلروندن
قولاغ آسیم سنده دانیش هظ آلیم سوزلروندن
ناماز قیلاندا آناجان بنزیرسن مله یه
داریخی رام سنن ئوتور یوخومادا هله گه
مین ایل عومور آزدی سنه الله سنی ساخلاسین
اوزون عومور ایلییه سن عمرون نوحو هاخلاسین
سن آتاملا چوخ شاد یاشا بیزده گوره ک سووینک
کورپه اوشاق کیمی سوزون آردونوزلا سورونک
آنا