"نه تئز گلدی نه تئز گئتدی"
جاوان عؤمروم یامان سولدو
نه تئز گلدی نه تئز گئتدی
خزان اولدو بوران اولدو
نه تئز گلدی نه تئز گئتدی
اوتاندیقجا دیلکلردن
هارای چکدیم فلکلردن
محبّت بو اورکلردن
نه تئز گلدی نه تئز گئتدی
بلَشدیم ده دورولدوم دا
کؤزردیم ده کول اولدوم دا
چیچکلندیم گول اولدوم دا
نه تئز گلدی نه تئز گئتدی
سارالدیقجا یاناقلاردان
اوزاقلاشدیم سُراقلاردان
گولوشلر بال دوداقلاردان
نه تئز گلدی نه تئز گئتدی
آزادلیق آدلی بیر قوشدوم
قانادیم سیندی تئز اوچدوم
او سئودالیم قلم قاشلیم
نه تئز گلدی نه تئز گئتدی
فلک بو"اینجیک"ین نازین
قارا چکدی قارا یازین
مزاریم داشینا یازین
نه تئز گلدی نه تئز گئتدی
#میرجمال_حسینی
💫🍥🎁 @ZElKH 🎁🍥💫