زن ذلیل
ای یارادان یئر گئویورب جلیل
هئچکسی الله ائله مه زن ذلیل
دنیانئیه باشیمیزا اولدو دار
اوز یوخاری بس نئیه آخدی سولار
قرن اتم دی گرگ اولسون بولار
آروادی آلدون کبینه سال دلار
نفسیلر عقلین گئوزونه چکدی میل
هئچکسی آلله ائله مه زن زلیل
کتدی ئیه مهر ییه اولار بیر دانا
گئورسه دوشور آروادی دوندان دونا
هرزادا میلچک کیمی ایستر قونا
ار دولویار نوختا سینی بوینونا
چشمه ی غئیرت بولانیب اولدو لیل
هئچکسی الله ائله مه زن ذلیل
گئورنئجه دولدو بوخانیم قیمته
کیمدی بیری رحم ائلئیه میللته
مشتری گلمیشدی دونن عصمته
یوکله دیلر یازیقی باشدان گئوته
تبریز و تهران اولا یا اردبیل
هئچکسی آلله ائله مه زن ذلیل
8
باسدی سویوق تر قیز آلان اوغلانی
گلدی تب آز قالدی کی چیخسین جانی
آی بالا بیر باخ دامارا آل قانی
سیچدی بو بدبخت بولادی هریانی
قالدی یوک آلتیندا یازیق سیندی بئل
هئچکسی الله ائله مه زن ذلیل
کیمدی یومو رتا گئوره دوغسون جوجه
دئورت قاریشان قوچ دئمک اولماز گیجه
نئیلر آتیلسا گئچی گر آئر کجه
باغلیدی قارداش صلوات لارگوجه
قیزدئییر اوغلان گرک اولسین حمیل
هئچکسی آلله ائله مه زن ذلیل
چوخ کیشی نین جانینی آرواد آلیر
قابض لارواحه داخی نه قالیر
سانجی کیمی یازیقی دیلدن سالیر
یوخدو تنفس ائله کیپریک چالیر
دای بو دیریلمز ایچه گر سلسبیل
هئچکسی آلله ائله مه زن ذلیل
کلان اموراتی وئریب آروادا
آغزینی آرواد گتیریب دیر دادا
مالک اولوب ائوده خانیم هرزادا
آزقالیر ایمانیدا وئرسین بادا
یوخدو بیری آخ بونا اولسون دلیل
هئچکسی الله ائله مه زن ذلیل
هرنه کیشی ایشلییر آرواد یئییر
وار یوخونو سفرا باشیندا سئوور
ایندی یازیق ار باخیر آرواد دئوور
داز باشووا قالامانی تئز چوئوور
کله وون اوسته ن گوئروسن گلدی بیل
هئچکسی الله ائله مه زن ذلیل
نانجیب آرواد گئو روسن قیشقیریر
فوری چکیر نوختانی دیبدن قیریر
سانکی قاطردی دالا سو نجوق ویریر
هر تپیک آتدیقجا بیر فیشقیریر
بال یئسه آغزیندا اولورزنجفیل
هئچکسی الله ائله مه زن ذلیل
ایندی داخی آرواداولوبدور کیشی
ائوده چالیر هئی اوشاقا پیش پیشی
کوهنه یوور گه پیشیریر پیش میشی
بعضی ایشی ننگیدی گئورسون کیشی
تیپ ووران اوغلان نئجه اولدو علیل
هئچکسی الله ائله مه زن ذلیل
پهلوانیدی بیزیم اوغلان شاتین
آغزین ازردی کوجه ده لات ماتین
ائوده قیراردی چاتی نین دوئرت قاتین
ایندی اونون قددین اییب گول خاتین
رنگینه بیر باخدی دئدی مش خلیل
هئچکسی الله ائله مه زن ذلیل
بسدی نواللهی سئوزون داد یوخو
احساسینان شعر ووه کئوینک توخو
قوی ائشیدن لزت آپارسین چوخو
بیرده دئسینلر اونو باشدان اوخو
ذکر دعاسینده دئیه ر اهل دیل
هئچکسی الله ائله مه زن ذلیل
سلیمان نواللهی