💢💢💢
گئجه-گوندوز خلقه ایراد ائدنلر
هئچ اؤزون اؤزوندن خبرین وارمی؟
قونشونون گؤزونده قیلی گؤرنلر
بیر باخ اؤز گوزوندن خبرین وارمی؟
مؤمن قارداش هئچ بیلیرسن نئدیرسن.
ایشین بودور خلقین عیبین گودورسن!
بئش قدمده دؤردون أیری گئدیرسن.
بیر دون باخ ایزیندن خبرین وارمی؟
حارام مالدان فاخر ليباس گئییرسن.
آغزین سیلمک ندیر؟ موردار یئییرسن.
آشیقین سازینا حارام دئییرسن.
اؤز ساخت سازیندان خبرین وارمی؟
دده کاتیب سنده بیر بیل حیسابین.
دوز عملین آزدی چؤخدو خارابین.
قورخ او گوندن اوخوناجاق کیتابین.
دئدیگین سؤزوندن خبرین وارمی؟
✍#رحمتلیک_دده_کاتیب
#ایمگه‌لر_کانالی
✔️✔️✔️
👇👇👇
https://telegram.me/imgalar