شعرطنز(شهودی)
زلفعلی تهرانه گئدیر
توشدی های کوی کی گلون زلفعلی تهرانه گئدیر
خبری یوخدی ساتیب جنتی نیرانه گئدیر
بیر دئیر ییرمی گولور بورکی قویوب یانقیلیجی
دای اوره گده ن سوونور مرکز ایرانه گئدیر
****
ایندی تهراندا قالیب ورده یسیر یوخدی ایشی
فعللیگ ائتمگ اوچون زلفعلی میدانه گئدیر
مین تومن موزد آلیب شادو سئوینجک ائوه جن
صوفته ده مین تومنین بئش یوزی پیکانه گئدیر
اوردا بیر عاقیل اولور کندی سالیر یادینه هی!!!
فیکری داردان قوتولوب کتده کی بستانه گئدیر
وئریب ازبس کیرایا هی یوخودور کی گوروری
کی مینیب مفده آتی کندیده هریانه گئدیر
چیریمیشدی کره ده ن کتده ولی تهراندا
ایندی الده ن اوره گی بیر کاسا ایرانه گئدیر
گاه گوزونده ن سووشور گوی زمی لر منظره سی
گاه گورور چشمه نین آیدین سووی وریانه گئدیر
گاه سالیر ایشگه نه نی یادینا عاشورا گونی
کی جیبینده سوغانی زلفعلی احسانه گئدیر