مین قاپینی مین کلکله دویونجه
بیر قاپیدان یاپیش حورمتین اولسون
شاهمار اولوب هر گلنه دیش آتما
یاخشی انسانلاردان عبرتین اولسون
گونده بش دون گئییپ بئشینی آتما
آغلووی آغلسیزا آغلینا قاتما
هر دیزین اوستونه باش قویوب یاتما
بیرآزدا قانیندا غیرتین اولسون
ادیگین حورمتی چالما سن باشا
اینسانلیق آیناسین گل وورما داشا
ائل ایچینده دوغرو دولان دوز یاشا
دوغرولوق گوجیله قدرتین اولسون
ائیله سوزلر دانیش آلتیندان قاشما
هر سوزه اینانیب اویناما ، داشما
صول الی محکم یوم ساغ الی آشما
تمیز آد قازانماق نیتین اولسون
آشیق سیروس دئییر اینان سوزومه
نانجیب اوَدتوتار اوزو اوزونه
گون اولار یانارسان ظولمون کوزونه
آلاهیندان اوتان موروتین اولسون
شاعر ؟؟؟؟؟