سهند اولادی ( فرزند دیار سهند) | جمعه ۹ تیر ۱۴۰۲ | 10 PM
💢💢💢
✍#رقیه_عبدیلی (سازاق)
«حسرت قالدێق»
یاتاندا
اؤز یوخولاریزینان ياتين
بیزیم یوخولاریمیز اؤزوموزوندو
زمانی یوخسوللوقدان ایتیردیک
سیز گؤتور-قوی ائدنده
گئجه اولدوغونو سانیردیق
دئمه بس سیزه گئجه گوندوز آنلامیندا
گوندوزلریمیزی گئجه‌یه چئویرمکدن
کئشگه یورولایدیز بیر آن
آی-اولدوزلو گئجه‌لره حسرتده قالمیشیق
بیزیم یوخولاریمیزی گؤرمه‌یین
باخار کور اولموشوق آرتیق
آنامیزدان قالان آغاجلار الیمیزده!
"آنام منه کور دئییب
هر گلنی وور دئییب"
وور اؤلوم دئمه‌یین
سول اکک آدامیق بیز
ووردوغوموز بوشا گئتمز
بوش بوشونا اوغراشمایین
گؤزلریمیز قانا دولسا
باخمالی اولمایاجاق اوزوموز
اوزونوزه باخمالی گؤزوموزده یوخ کی آرتیق
بیزیم یوخولاریمیزلا
باشینیزی قورویون خونچادا دورمور
خونچایا دَیمه‌لی ده دگیل باشلارینیز
دوشرلر خونچادان اؤنجه.
یوخولاریمیزی اؤزوموز گؤرمه‌لی‌ییک.
#ایمگه‌لر_کانالی
✔️✔️✔️
👇👇👇
https://telegram.me/imgalar
رقیه_عبدیلی
سازاق