سهند اولادی ( فرزند دیار سهند) | پنجشنبه ۱۵ تیر ۱۴۰۲ | 11 PM
سن ائله بیلمه کی کؤچدویوم زامان
دونیادان بیر یوللوق کؤچه‌جه‌یم من
بیر دفعه اؤلونجه بلکه مین دفعه
اؤلومو تاپداییب کئچه‌جه‌یم من
بیر گون اؤز یانیندا گؤرمه‌سن منی
چیخ یاشیل باغلارا قوشلاری دینله
اوْکئان قودرتلی آراز نهرینی
ساخلاماق ایسته‌ین داشلاری دینله
دینله کولک‌لری کولک‌لرده‌یم
اورک‌لردن سوروش اورک‌لرده‌یم
بوتون اولدوزلاردا بوتون چایلاردا
بوتون گول‌لرده‌یم چیچک‌لرده‌یم
بولودو شیمشک‌له پارچالایاراق
ظولمه‌تی نور ایله بوغاجاغام من
قربده اولدوز کیمی باتسام شرقه باخ
شرقدن گونش کیمی دوغاجاغام من
قانادلاناجاغام سنین یانینا
قیشلا أل‌به‌یاخا ایلک باهار ایله
ساوالان داغینین زیروه‌له‌ریندن
قربه شرقه دوشن شوعالار ایله
ایتیب-باتماق اوچون یارانمامیشام
دونه‌نم
بوگونم
گله‌جه‌یم من
بیر گون بو دونیادان گئتسه‌م‌ده، نه قم
دونیایا تزه‌دن گله‌جه‌یم من...
#خلیل‌رضا_اولوتورک
#شعر_اوجاغی
@text_turk
خلیل‌رضا اولوتورک