بینه لری چادر- چادر
چوخ گزمیشم اوزوم داغلار
قدرتینی سیزدن آلدی
منیم سازیم، سوزوم داغلار
مارال گزه ر آستا- آستا
انیب گلر چشمه اوسته
گوزوم یولدا، کونلوم سسده
دئین نئجه دوزوم داغلار؟
هر اوبانین بیر یایلاغی
هر ترلانین اوز اویلاغی
دولایلاردا بهار چاغی
بیر دویونجا گزیم داغلار
قایالاری باش- باشا دیر
گونئی لری تاماشادیر
گودک عمری چوخ یاشادیر
جانیم داغلار، گوزو داغلار
بیر قوناغام بو دونیادا
بیر گون عمروم گئدر بادا
«وورغون» ودا سالار یادا
دوز ایلغارلی بیزیم داغلار
صمد وورغون