✨✨✨✨✨✨✨✨✨✨✨
بو دنیا بیر پنجره دیر آدوستلار
بویلانیب باخانا اورگیم یانیر
دگیرمان تک دولانیر اوز باشینا
دارتیلان اینسانا اورگیم یانیر
آتالار گءچمیشدن صحبت آچاندا
جوانلیق دورانین یادا سالاندا
او خوش گونلره حسرت قالاندا
بوگونکو جوانا اورگیم یانیر
انسان وار عملی تظاهر ریا
انسان وار پءشه سی اولودو ربا
افتخار اءدیری ایله میر حیا
کسدیکی قربانا اورگیم یانیر
بیلمیرم کی ندن حق سوز آجی دیر
قلبی پاک انسانلار منه حاجی دیر
''باریش''ین سرینین قیزیل تاجیدیر
غفلتده یاتانا اورگیم یانیر
✨✨✨✨✨✨✨✨✨✨✨
آنـــــــادیـلـــــے
🇦 🇷 🇦 🇿
@turkanadili❣