قارا بولوت گؤیده جؤولانا چیخسا
طوفان یولا دوشسه قایانی ییخسا
گونش بولوت لارین دالیندان باخسا
گینه گلیب سیزی یوخلارام داغلار
حؤرمتوزو داییم ساخلارام داغلار
قیشدا آرتیق اولور شوکتوز شانیز
قار یاغدیقجا آرتیر توکنمز کانیز
وار اولسون آی داغلار یورولماز جانیز
گون دوشجک پاریلدار آغ بؤرکوز داغلار
قیزدیرار جانیمی آغ کورکوز داغلار
گؤزه لردن آخار دورو گؤز یاشیز
سجده گاهدیر داغچی لارا هر داشیز
من اؤلندن سونرا ساغ اولسون باشیز
سیزلر قالان بیزلر گئدنیک داغلار
قیسسا عؤمرو گونو گودنیک داغلار
عؤمرومو گونومو سئودازلا سوردوم
گونئی لر ده یاشیل جنتی گؤردوم
سیزدن دانیشاندا ساغالار دردیم
مجنون تک وورولدوم سیزلره داغلار
حئیرانام دره لر دوزلره داغلار
سیلدیریم داش لاری سیرداش بیلمیشم
دورو گؤزه لری سئوداش بیلمیشم
داغچی لاری باجی قارداش بیلمیشم
سیزلر منه آنا آتاسیز داغلار
اینانمام سیز منی آتاسیز داغلار👌👌
آنـــــــادیـلـــــے
🇦 🇷 🇦 🇿
@turkanadili❣