تصویر :قیزلار قلعه سی قره ناز
بیر آه چکدیم اَلو دوشدو ائللره
دردیم اؤزو اله دوشدو دیللره
سارا تکین یامان دوشدوم سئللره
اله یاندیم کوله دؤندوم گلمدین
نیسگیل سؤز تک یامان سؤندوم گلمدین
اورگیمی اللریمده ساخلادیم
گول بَزدیم چیچکلدیم باغلادیم
دسته-دسته یولا سپدیم آغلادیم
اِله یاندیم کوله دُوندوم گلمدین
نیسگیل سؤز تک یامان سؤندوم گلمدین
جان وئریرم سن گؤزلین گؤزونه
شیرین-شیرین دانیشدیغین سؤزونه
الولاندیم من یانیردیم کؤزونه
اِله یاندیم کوله دؤندوم گلمدین
نیسگیل سؤز تک یامان سؤندوم گلمدین
یئر سالمیشام اورگیمده گلسَن
قیزیل گول تک گولومسیب گولَسن
«شاهیدین»ده دردی غمین بیلَسن
اِله یاندیم کوله دؤندوم گلمدین
نیسگیل سؤز تک یامان سؤندوم گلمدین
«شاهید کریم»
🇦 🇷 🇦 🇿
@turkanadili❣