گئدیرسن
گئدیرسن
ســــاللانا ســــاللانا آلا گـــؤزلی یار
بــاش گؤتوروب نه مکانه گئدیرسن
قاشلاریوی کمان کیمین قوروبسان
سینیخ قلبی سن نشانه گئدیرسن
کهلیک کیمین نغمه یاییب سوزرسن
هـــر گئتدیکجن قراریمی کسر سن
مارال تک کؤوؤیؤب یالقوز گزرسن
آخــتاریـــرســــان آشـیانه گئدیرسن
یئل وورور داغیدیـــر قارا تئللروو
تئل اسدیکجه خوشی گلیر یئللروو
یــــاواش یئری کمر کسیر بئللروو
اود سالیرسان شیرین جانه گئدیرسن
قــارا تئل یاراشیر او دال گردنه
قورخورام کج باخا بد نظر سنه
بیلمم نیه دوتـــوپ غضبین منه
رحم ائتمیر سن من جوانه گئدیرسن
سن بیر شمع سن من اولموشام پروانه
دولانیم بـــاشووا قــــوی یانه یانه
مغرور اولوپ بئل باغلاما جهانه
جهان دا وار مــیـن فسانه گئدیرسن
سن بیر گولسن منی خـــاره سالارسان
غـــــــربت ائلده آه زاره قــــــــالارسان
«بخشی»دئیر گئتمه پشمان اولارسان
افسونگردی بــــــــــوزمانه گئدیرسن