آللاه، گؤزلره باخ ...
بئله باخیش اولماز، بئله گؤز اولماز
آللاه گؤزلره باخ، نه گؤزل باخیر!
بئله آتش اولماز، بئله کؤز اولماز
آللاه گؤزلره باخ، نه گؤزل باخیر!
گؤیلر اولدوز وئریب آی وئریب اونا
یئرلر چئشمه وئریب، چای وئریب اونا
پئیغمبر نوروندان پای وئریب اونا
آللاه گؤزلره باخ، نه گؤزل باخیر!
حاقّین درگاهیندان ائنن ایشیقدی
عؤمره ناخیش ووران بیر یاراشیقدی
من گول آغاجی‌یام، او سارماشیق‌دی
آللاه گؤزلره باخ، نه گؤزل باخیر!
باخیشلار نه قدر حلیم اولارمیش
گؤزون ظارافاتی ظولوم اولارمیش
ظولومون آخیری اؤلوم اولارمیش
آللاه گؤزلره باخ، نه گؤزل باخیر!
اورک یوز پارچادیر، کؤنول یوز پارا
بیر گؤزل گؤزونده چکیلدیم دارا
"زلیمخان" اؤلمه‌دی جانی قورتارا
آللاه گؤزلره باخ، نه گؤزل باخیر...
سؤز : زلیمخان یعقوب
https://t.me/turkimahni