آمان آیریلیق
(شعر زیبایی از استاد محمّد حسین بهجتی تبریزی "شهریار" در پاسخ به سلیمان رستم شاعر ترک تبار در خصوص احوالات وطن در ایّام انقلاب سال1357)
بیزی یاندیـــریر ، یامان آیریلیق
بورداریخدیران دومــــان آیریلیق
باشا ساووریر سامان آیریلیق
آمـــان آیریلیق ، آمــان آیریلیق !!!
بیر گوزون آچار،بیر گوزون یومار
آرازی سرین گؤردیـــــکده اومار
خزری ده رین کؤردوکجه جومار
قــــان دریاسینا جومان آیریلیق !!!
آمـــان آیریلیق ، آمـــان آیریلیق !!!
آرازیم وورسون باش,داشدان داشا
گوز یاشی گرک باشلاردان آشا
نئجه یاد اولسون ,قارداش– قارداشا
نه دین قــانیر , نه ایمان آیریلیق !!!
آمـــان آیریلیق ، آمـــان آیریلیق !!!
گؤیلرین , گونون-آیین گیزله دیر
اولدوز آخدیریر, سایین گیزله دیر
اوخونی آتیر , یـــایین گیزله دیر
قدیمی ائدیـــــب کمان آیریلیق
آمـــان آیریلیق ، آمـــان آیریلیق !!!
بیر نئچه گون ده , بیزدن آیریلا
غم ده بیر بیزتک سوواساوریلا
هانی بیـر بئله گومــان آیریلیق !!!
آمـــان آیریلیق ، آمـــان آیریلیق !!!
دئدیم آیریلیــق , قینــــاما منی
سنی گؤرموشم ائللر دشمنی
یوزمین کره ده سیناسام سنی
همـان آیریلیق , همـان آیریلیق !
آمـــان آیریلیق ، آمـــان آیریلیق !!!
آمـــانسیز گؤزون یومان آیریلیق
جان جیزلیقندان اومان آیریلیق
نه غملی یـــازار رومـان آیریلیق
دیللره ســــالان دومـان آیریلیق
آمـــان آیریلیق ، آمـــان آیریلیق !!!
سن اونود سان دا سلیمان منی
اونودمیـاجـــاق "شهریــار" سنی
یاز گله ر , بولبول قـاپسار چمنی
ایندی لیک سه وسون زمان آیریلیق
آمـــان آیریلیق ، آمـــان آیریلیق !!!