وطن ماهنیسی، Vətən Mahnisi
دوُمانلی داغـلاریـن بـاشینـدا دوِردوم
دوُمانـدان اؤزومـه بیـر خیمـه قـوِردوم
کئچدی خیالمـدان او گـؤزه ل یـوُردوم
دوُمانلار باشیمـدا، دومـان گـؤرونـدو
گمیمیز سوخـومـا چـاتـان چـاغینـدا
حـدّتلـی دالغـالار یـاتـان چــاغینــدا
گـونشیـن اوفـوقـدا بـاتـان چـاغینــدا
ساحیللر قارشیمدان عمّان گـؤرونـدو
قارا دنیز کیمـی عشقیملـه جـوشـدوم
خولیالار ایچینده سانکـی بیهـوشـدوم
وطـن آرزوسیلـه نغمـه لـر قــوشــدوم
طوفانلار گؤزومـه داستـان گـؤرونـدو
دونیالار جذب ائدن بو خـوش منظـره
شـؤقـومـوآرتیــردی گــؤزه ل خــزره
چـارپـدیقجــا وطنیــم، ائلیــم نظــره
طبیعـت ده منـه حئیــران گــؤرونــدو
دئییلـر، بـولبـولـه چمـن یـاخشیـدیـر
انسـانـا لالـه زار وطـن یــاخشیــدیــر
واحد، سورما وطن نه دن یـاخشیـدیـر
آدی گلجک کؤنلوم خندان گؤروندو