یورولمیشام گَرَک گِدیم دینجَلیم

چمن ، چیچک ، چول یادیما دوشوبدو

نیسان آیئی ،بلود ، یاغیش ، ایلدریم

قوشقون آخان، سیل یادیما دوشوبدو

یای وعده سی گونایتانین ایستیسی

او چیمدیغیم گول یادیما دوشوبدو

غربت یره غم قاپومو قاپسییب

آیری دوشَن اِل یادیما دوشوبدو

مین دیلینَن سَن بوینون اوخشایان

بال دان شیرین دیل یادیما دوشوبدو

هَلودان ،آتش دَن، مَنی قوتاران

بیر غیرتلی قول یادیما دوشوبدو

دیزیمین دَیَری ، گوزمین ایشیغی

آتام ، انام ،اِل یادیما دوشوبدو

نَننی کناریندا منی اُولایان

لای لای دیئیَن دیل یادیما دوشوبدو

حورمت وِرَن شیرین بالدان ، قیماخدان

سخاوتلی اَل یادیما دوشوبدو

نَنمین محبتین ، آتام زحمتین

اُنوتمارام ، بیل ،یادیما دوشوبدو

اوبا کوچوب گَلدی چاتدی یایلاغا

سوسن و سنبل ، گول ، یادیما دوشوبدو

یایین اولینده ، باغین یوردوندا

چادر قویان اِل یادیما دوشوبدو

ساری قار یولوندا، کوشگو گدنده

گورویان گُول ، یادیما دوشوبدو

دربند ییلاغیندا قیزیل دره ده

دووش بولن یول یادیما دوشوبدو

سیدین کونلینن غم گِتدی جوشا

تِز بوکولَن بِل یادیما دوشوبدو

سیدآقا ساجدی

صدای پخش شده از صدا وسیمای مرکز ارومیه سال91الی94