دئمه سن آغدي قاتيق،اوستونه‌ده خامه چيخار
هاي سالار ضيرناچي‌لار، قتلووه برنامه چيخار
واردي بير عدّه مسلمانلاري ظولميله چاپير
آمما هر ايل ايكي يول كعبه‌يه احرامه چيخار
گلنينه قززوو ائدير شيمر كيمي خانباجيميز
نمازين بير ايپه دوزسؤن اوزانيب شامه چيخار
ياخشي‌كي ياخشی‌دي سؤزيوخ ، آمان آلله پيسدن
پيسي دينديرسؤن اگر بيريئكه هنگامه چيخار
يئريگونده يئمه گيل مايماق اولار گيل بالاسي
آل انار ية انارين كؤرپه‌سي علّامه چيخار
كيشي‌نين عاقيلي آبرين حيجابين حيفظ ائله‌ير
كالي چوخ يول كوچه‌يه اَينيده پيژامه چيخار
باخما چوخ اوزده نيراوغلو بو قدَ‌ر شاد دولانير
گولوشون تؤكسله بيربارداغا غمنامه چيخار