(آذربایجان)
(آذربایجان)
ایرانین هر یئری گوزلدیر آمما ان گوزل بوجاغی آذر بایجاندی
جوشغون چایلاری وار سرین سولاری گول چیچكلی باغیآذربایجاندی
تورپاغی مرجاندی ، یاقوت داشلاری حیالی قیزلاری قلم قاشلاری
گوزل پیشمیش لری دادلی آشلاری آنالار قوجاغی آذر بایجاندری
واردیر بیر تاریخی دونیا تك قوجا دومانلی داغلاری داغلارداناوجا
دوشمن قاباغیندا شوجاع دان ،شوجاع ایگیدلر اویلاغی آذر بایجاندی
اولكه لر ایچینده گوزل آدی وار یاخشی مئیوه لری شیرین دادی وار
یالان دئییل دئسم هر بیر زادی وار نئعمت لر بولاغی آذر بایجاندی
هونر لر یارادان تاردا كماندا دونیا یا فخر ائدن شوهرت ده ،شاندا
دوروملوق گوسترن چنده ، دوماندا اسلانلار یاتاغی آذر بایجاندی
باخچالاری بارلی داغلاری قارلی جومرد ایگیدلری شسلی ، ووقارلی
كونول لری آلچاق سوفره سی وارلی معرفت اوجاغی آذر بایجاندی
ظولمه باش ایمه ین اسلان تك دوران مردانه ساواشان مردانه ووران
ائستبدادی ییخان عئدالت قوران ستتار خان سایاغی آذر بایجاندی
سهندی ، میشووی ، ساوالانی وار تاری ، كمانچاسی ، بالابانی وار
(دوزه قول) دئیه جك نقدر جانی وار هونرلر بولاغی آذر بایجاندی