قبریستانا گئده‌ن یوْلدا
آددێملارێ آغێر گؤردۆم
آداملارێ فاغێر گؤردۆم
نئچه نملی جێغیر گؤردۆم
قبریستانا گئده‌ن یوْلدا
گؤزۆمده بۇلۇد آپاردێم
کؤنلۆمده سکوت آپاردێم
چیگنیمده تابوت آپاردێم
قبریستانا گئده‌ن یوْلدا
غمسیز بیرجه باخێش یوْخدۇر
سئوینج آدلێ ناخێش یوْخدۇر
گیریش وارسا، چێخێش یوْخدۇر
قبریستانا گئده‌ن یوْلدا
لنگیمه‌ک وار، یوْرۇلماق وار
سؤکۆلمه‌ک وار، قۇرۇلماق وار
تمیزله‌نیب دۇرۇلماق وار
قبریستانا گئده‌ن یوْلدا