شعر فولکلوریک "بو لئیلی" که به صورت "مولئیلی" هم خوانده شده:
.
پنجره‌نین میللَری، بو لئیلی (مولیلی)
آچیب قیزی گوللَری بو لئیلی (مولیلی)
اوغلانی یولدان ائیلر بو لئیلی (مولیلی)
قیزین شیرین دیللری بو لئیلی (مولیلی)
.
آی لیلی لیلی لیلی بو لئیلی (مولیلی)
آنام سندن گیلئیلی، گیلئیلی
قیزیل گولو بیچمیشم بو لئیلی (مولیلی)
اوستونده آند ایچمیشم بو لئیلی (مولیلی)
.
گوزل قیزلار ایچینده بو لئیلی (مولیلی)
تکجه سنی سئومیشم بو لئیلی (مولیلی)
آی لیلی لیلی لیلی بو لئیلی (مولیلی)
آنام سندن گیلئیلی، گیلئیلی
.
قرنفیلم، بو داما بو لئیلی (مولیلی)
بویور گئدک اوداما بو لئیلی (مولیلی)
اگر منی سئویرسن بو لئیلی (مولیلی)
ائلچی گوندر آناما بو لئیلی (مولیلی)
آی لیلی لیلی لیلی بو لئیلی (مولیلی)
آنام سندن گیلئیلی، گیلئیلی
.