ای گؤزۆم باخ عیبرت ائیله گؤر نئجه دوران اولوب
محو اولوب عهد و وفا، اینصاف ائوی ویران اولوب
نه صداقت‌دن علامت وار، نه ایمان‌دان نیشان
بؤرک گؤتۆرمک حیله‌بازلیق، حق یئمک آسان اولوب
قارداشین قارداشا، دوستون دوستا، یوخدور اۆلفتی
اعتمادلار بوش اولوبدور، خلق بی‌ایمان اولوب
حق دانیشماق کیمیا اولموش، صفا افسانه‌دیر
هر کیمی مظلوم گؤرۆرسن، بیر بؤیۆک شیطان اولوب
ایش دۆشۆب‌دۆر، اینسان اولمویان آداملار چنگینه
لاییق اینسان، مرد ایگیدلر، خوار و سرگردان اولوب
مؤحترم آزاده خلقی، احتیاج ائتمیش ذلیل
بی‌کفایت نانجیب‌لر صاحیبی عنوان اولوب
حق سؤزۆ گیزلتمرم، من دهشتیم یوخدور «وجی»
تۆلکۆدن آلچاق خبیث‌لر، تَرسیله اینسان اولوب
شعر: وجه‌الله رمضانی گیوی، «وجی»
💠 @qocatabriz