‍ 💢💢💢

بیر توْرپاق پارچاسی قاچار دالیمجا

ائله‌بیل بوْیوما بیچیلیب منیم.

قوْپوب کندیمیزین آی ایشیغییلا

قورباغا سسی دوْلو

آخشاملاریندان.

قوْپوب ائولریندن آداملاریندان،

بیر توْرپاق پارچاسی قاچار دالیمجا.

قاتاردا، ماشیندا

اۆره‌گی بولانان بنؤوشه منم،

شَهره گلمَـگه،

منی گؤرمَـگه

کؤنلو قوبارلانان بنؤوشه منم.

بیر پارچا توْرپاغین دۆشر دالینجا

یویورَ‌ر، یویورَر چاتانماز آنجاق.

بیر توْرپاق پارچاسی آزار شهرده

منی آختارماقدان

بئزر شهرده.

ایشیقلی رئکلاماار دئشر گؤزونو

آغلاماق ایسته‌یر

آغلایا بیلمز.

آخیردا اؤزونو ساخلایا بیلمز،

گئنیش کوچه‌لرین

گۆمۆش آسفالتینا آتار اؤزونو،

تَـکرلر آلتینا آتار اؤزونو......

بیر توْرپاق پارچاسی قاچار دالیمجا،

-کاش گلیب تاپایدی بو گوندن منی.

بو شهر ایچینده

آیری قویمایایدی اؤزوندن منی.

گئجه‌لر اوْ توْرپاق پارچاسی اوسته

بیر آغاج أکه‌یدیم،

بیر ائو تیکه‌یدیم،

گلین گتیره‌یدیم اؤز کندیمیزدن...

✍#رامیز_رؤشن

#ایمگه‌لر_کانالی✔️✔️✔️👇👇👇https://telegram.me/imgalar