باشدان پاپاق آلیب قاچان دؤنیادیر
منیم بالام بو دؤنیایلا اویناما
.سن جاوانسان دؤنیا قوجا دؤنیا دی
,دؤشمن نه دیر ؟ دوست اوینی دوست ییخار
...بیلن بیلیر دؤنیا نئجه دونیادی
عمره گؤنه اعتیبار یوخ ازلدن
بیر ده دؤنؤب یارپاق اولماز خزلدن
بئشئیندن بیزه تابوت دؤزلدن
بَه لَه یین دن کفن تیکان دونیادی
کیم نه آنلار بو ظالیم ین ایشیندن
چوخ لارینی کچیدیبدی دیشیندن
محکم یاپیش پاپاقینین باشیندان
باشدان پاپاق آلیب قاچان دؤنیادیر