آدام وار بیر قارا پولا دا دیمز
آدام وار بیر قارا پولا دا دیمز
آدام وار گوهردی لعله بنزه ئیر
آدام وار اوجالدار ائلی ماهالی
آدام وار ماهالدی ائله بنزه ئیز
آدام وار چوخ دریندی کامالی
آدام وار موفته آرتیب اقبالی
آدام وار مینداردی فیکری آمالی
آدام وار صحبتی بالا بنزه ئیر
آدام وار بو دونیا اونا محتاجدی
آدام وار دونیانین باشیندا تاجی
آدام وار کی اوزو قارا بیر ساجدی
آدام وار نیتی کوله بنزه ئیر
آدام وار اعمالی باهاردی یازدی
آدام وارکی حیاسینا ائل بازدی
آدام وار نا نجیب کئفیده سازدی
آدام وار ثروتلی غولا بنزه ئیر
آدام واردی غیرتینه وورغونام
آدام واردی گره ک دایم قورغونام
آدام وارکی یالانین دان یورغونام
آدام وار چوخ درین لالا بنزه ئیر
آدام واردی بویدان اوزون بی غیرت
آدام واردی غیرتینه ائل حیرت
آدام واردی مفته یئره توتوب اَت
آدام وار اندامی گوله بنزه ئیر
آدام وارکی یاراداندا پِشماندی
آدام وار کردای اولگو نیشاندی
آدام واردی یارانمیش دوشماندی
آدام وارکرگدن فیله بنزئیر
آدام وار سرافدی لعلی تانیار
آدام وار بایتالدی مالی تانیار
آدام وار ائلداردی ائلی تانیار
آدام وار ائو ییخان سئله بنزه ئیر
آدام واردی دیلدن عالیم اوزو اَر
آدام وار هر مجلیسده گؤز گزر
آدام وار الیندن مین هنر گَلَر
آدام وار بیر دسته گوله بنزه ئیر
آدام واردی غیرتیندن کاسیبدی
آدام واردی اوزوندنده کوسوبدی
آدام واردی ایشی دائیم کیسیبدی
آدام وار غیرتی پولا بنزه ئیر
هئشته سر آدام وار قلبی چرخ آیاز
بوش دَخَمه سی وار دولتدن بی نیاز
دیلینده حق کلمه سینه سینده ساز
آدام وار بیر آیدین یولا بنزه ئیر
شاعر؟؟؟؟