الینده قئلنجین اولسا داننده صبرین اؤلسون
سؤزلرینده سر حد ساخلا دیننده صبرین اؤلسون
چک جیلووون هاوالانار آتار سنی اوچوروما
ترققی نین کؤه لنینه میننده صبرین اؤلسون
قوجا دونیا گؤر گؤتوردو طالع ین نن کوسمه سن
داغلارا باخ گاه گونشدی گاه چیسگیندی گاهدا چن
یا نامردین یا ناکسین یا نادانین الیندن
اوجاقیوا سو سه پیلیپ سؤننده صبرین اؤلسون
سن کیشیسن اوشاخ کیمی دئزئلدایب آغلاما
نده مگس میلچک کیمی وئزئلدایب آغلاما
مردانه اول ناله چکیب سئزئلدایب آغلاما
کور تالئین اوزو سندن دؤننده صبرین اؤلسون
وطن اوغلو ابتداسی اودی سودی دونیانین
ائیل آنا تورپاغین اوپ سونی بودور دونیانین
آلچالماقدا، اوجالماقدا قانونودور دونیانین
بختین قوشو گؤیدن یئره یئننده صبرین اولسون
بهمن_وطن_اوغلو
💫🍥🎁 @ZElKH 🎁🍥💫