داغلار؛؛؛؛

آیریلیق هیجرانین چکیب گلمیشم
حسرتدن جگریم یارادی داغلار؛
خان چوبان سارایا؛ قوروب آلاچیق
ائلین یاراشیغی سارادی داغلار؛
حسرتدن جگریم یارادی داغلار؛

گزیردیم داغلاری داشی هر یانی
بیر جانی یانمیشدا ووردو جیرانی
تالان اوُلدو یوردوم گئتدی دورانی
سن سیزلیک گونلریم قارادی داغلار؛
حسرتدن جگریم یارادی داغلار؛

کهلیگه قایالار گورنه خوش گلیر
وفالی دوستلارین یئری بوش گلیر
کرم ساز گوتوروب سانکی کوش(کوچ) گلیر
یئل کولک تئلی نی دارادی داغلار؛
حسرتدن جگریم یارادی داغلار؛

ال الدن اوزولوب چیخیب گئدیردی
گئدیکجه دالینجا باخیب گئدیردی
سئللره قاریشیب آخیب گئدیردی
بوراسی سرحددی آرادی داغلار؛
حسرتدن جگریم یارادی داغلار؛

اوتایدا بولبولر چکیلدی دارا
او سئلده بوغولان سارادیر سارا
بیزدنده آرالی؛ آرازدی آرا
اورکلر چکیلیب دارادی داغلار؛
حسرتدن جگریم یارادی داغلار؛

جبرائیل خان؛ یئدی قارداش قعله ده
گئتمیر قولاغیمدان سسی هله ده
جیران دوشوب دارتینیردی تئله ده
اونوندا دیله گی چارادی داغلار؛
حسرتدن جگریم یارادی داغلار؛

تانری مظلوملارین غمینی یئیر
سیررلرین اوُرتوب لئچگین گئییر
وار الین چیرکیدیر یوساندا گئدیر
دئمه یین اینسانلیق وارادی داغلار؛
حسرتدن جگریم یارادی داغلار؛

بیر دیلبر گورمه دیم اورک باغلایام
عشقیمین اوستونده دئییم آغلایام
(حوسین سونمز)عشقین بیرده چاغلایام
اورکلرده سندن چارادی داغلار؛
حسرتدن جگریم یارادی داغلار؛

بیزیمله یولبیر اولون👇
@sazsoz