شعر ساری کوینک :
آی خسته قوش، آواره گزیرسن ، بو دیاری
زنداندی ، قفسدی ، چمی ، باغی ، باهاری
گوزله اوزونو ، آوچو دور هریانی بو ، یوردون
قوزغون کیمی دوردگوزلو گزیر ، کورپه شکاری
فرصت دالیسیجا گزیری ، ال یئری تاپسا
ویران قویاجاق یوردونو ، آی کوینه یی ساری
تیک اوز یووانوی ، قویما سنه ال تاپا اووچو
سن بو یووانین مالکی سن ، قانگیه باری
جهد ایله کی ، جان قورتاراسان ، اووچو الیندن
دوشسن تورا، فریاد ائله مه چک ، بو فشاری
گولشنده کی ، یوخ ذوق و صفا ، آی ساری کوینک
قاچ - قاچ بو یئرین زهریلی دور ، داری و نداری
دیللنسن اگر ، اوچو ائده ر قانینا غلطان
اوچسان آ یازیق ! تیر جفا ، قلبینی یاری
مین فیرتینا قالخیب ، دویه جک باشینا طوفان
هر کیمده اولا داغ کیم تمکین و ویقاری
گلسه نه قدر درد و بلا داغ کیمی دور باخ !
آیدیندی بو سوز ، توستو گئده ر گویچه یه ساری
ایستر سنی آوچو اوزونه رام ائده ، آمما
ایقودا گورر آج تویوغ البتده کی ، داری
بو یاخشی مثل دیر کی ، بیزم ائلده دئیه رلر :
<<باخ بیر آشاغی ، باخما اوزوندن ده یوخاری >>
غم -غصه کیچیک قلبینی گر دویسه ، سیخیلما
بو گونده کئچه ر آخیری ، غملرده قوتاری
اوندا کی دوغار گون ، یاییلار عالمه بیردن
اوندا کی قارا دان یئری صبح اولجاق آغاری
داغی - داشی آسوده خیالیله گزه رسن
گولشنده نه شاختا گوره سن ، داغدا نه قاری
ظولمون ائوی ویران اولی ، ظالیم دوشر الدن
قان دورماز ، اگر کس سه پیچاق قیرسا داماری
بختین قاپیسی ایندی قیفیللانسا ، داریخما !
هر بیر قیفیلین واردی طبیعت ده آچاری
اوز جانیویلن اویناما بو عرصه ده <<شیدا >>
لیلاج دغلباز ایله ، قیزدیرما قوماری
استاد شیدا عضو انجمن نویسندگان باکو بودند و دارای دکترای افتخاری ادبیات از این مرکز دانشگاهی بودند.استاد پس از سالها تلاش در عرصه مطبوعات و ادبیات سرانجام در 28 مهرماه سال 90 دار فانی را وداع گفت و در قطعه هنرمندان وادی رحمت به خاک سپرده شد.