تبریزیم!
جانیم گؤزوم ائلیم گؤزل تبریزیم،
تورک قیزییام ،سنده قالیبدیر گؤزوم،
یارالی بیر قوشام، اوچمور وطنسیز،
کیمسه سیز،دونیادا نه طَحَر دؤزوم؟!
سندن اوز دؤندرسه هرکیم غریبدی.
عؤمرونون گولونو اؤزگه دریبدی،
گؤز یاشیلا یویوب یولا سریبدی،
قملی بیر یوخودور...من نئجه یوزوم؟!
وطن عطری گلیر یئللر اسنده،
اوره ییم پارتلابیر سندن کوسنده!
قارا یئللر داغین صبرین کسنده،
تبریزیمه قوربان اولایدیم اؤزوم،
شهرییار لار یوردو آنامیز تبریز،
بوردا علّامه لردن قالیبدیر ایز!
واریمیزدی اوختای،وار بابکیمیز!
نه قه دَر دئسه م ده قورتارمار سؤزوم!
«تدین »ام چیخدیم داغین باشینا,
ائلیمین دردینی یازدیم داشینا،
تاریخ ده شاهددیر تبریز یاشینا،
نیسگیلینه نئجه آغیز-گؤز بوزوم؟!
96/6/11